କେନ୍ଦ୍ରାପଡା ( ଏଟିଆର ବ୍ୟୁରୋ) : ଚଳିତ ନିର୍ବାଚନ ବେଳେ ସବୁଠାରୁ ଚର୍ଚ୍ଚାରେ ଥିବା ପାଟକୁରା ବିଧାନସଭା ଆସନ ପାଇଁ ଆସନ୍ତା ୨୦ ତାରିଖରେ ନିର୍ବାଚନ ଅନୁଷ୍ଠିତ ହେବ ବୋଲି ସୂଚନା ମିଳିଛି । ଏନେଇ ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ସୂଚନା ଅନୁସାରେ ଆସନ୍ତା ୨୦ ତାରିଖରେ ନିର୍ବାଚନ ହୋଇ ୨୪ ତାରିଖରେ ନିର୍ବାଚନ ଫଳ ପ୍ରକାଶ ପାଇବ । ଆସନ୍ତା ୨୬ ତାରିଖ ପର୍ଯ୍ୟନ୍ତ ଏଠାରେ ନିର୍ବାଚନ ପ୍ରକ୍ରିିୟା ଲାଗୁ ରହିବ ।
ସୂଚନାଯୋଗ୍ୟ ଚଳିତ ସାଧାରଣ ନିର୍ବାଚନ ପୂର୍ବରୁ ପାଟକୁରା ବିଜେଡି ବିଧାୟକ ପ୍ରାର୍ଥୀ ବେଦ ପ୍ରକାଶ ଅଗ୍ରଓାଲଙ୍କ ଦେହାନ୍ତ ହୋଇଥିଲା । ଯାହା ଫଳରେ ସେଠାରେ ହେବାକୁ ଥିବା ବାତିଲ କରାଯାଇଥିଲା । ନିର୍ବାଚନକୁ ୧୯ ତାରିଖକୁ ଘୁଞ୍ଚାଇ ଦିଆଯାଇଥିଲା । ମାତ୍ର ରାଜ୍ୟରେ ଫୋନି ପ୍ରଭାବ ପାଇଁ ପୁଣି ନିର୍ବାଚନକୁ ବାତିଲ କରାଯାଇଥିଲା ।
ପାଟକୁରାରେ ବେଦଙ୍କ ସ୍ଥାନ ପୂରଣ କରିବା ପାଇଁ ବେଦ ପ୍ରକାଶ ଅଗ୍ରୱାଲଙ୍କ ପତ୍ନୀ ସାବିତ୍ରୀ ଅଗ୍ରୱାଲଙ୍କୁ ପ୍ରାର୍ଥୀ କରିଥିବା ବେଳେ ବିଜେପିରୁ ସାବିତ୍ରୀଙ୍କୁ ଟକ୍କର ଦେବେ ବରିଷ୍ଠ ବିଜେପି ନେତା ବିଜୟ ମହାପାତ୍ର । ପୂର୍ବରୁ ସାବିତ୍ରୀ ପାର୍ଥୀ ପତ୍ର ଦାଖଲ କରି ସାରିଛନ୍ତି । ସେଭିଭଳି ବିଜେପି ଓ କଂଗ୍ରେସ ପୂର୍ବରୁ ଦାଖଲ କରିଥିବା ପାର୍ଥୀ ପତ୍ର କାଏମ ରହିଛି । ଆଜିଠୁ ପାଟକୁରାରେ ନିର୍ବାଚନ ଆଚରଣ ବିଧି ଲାଗୁ ହୋଇ ସାରିଛି । ଆଜି ନିର୍ବାଚନ ପାଇଁ ତାରିଖ ଘୋଷଣା ହେବା ପରେ ଟିକେ ଶୀତଳ ପଡି ଯାଇଥିବା ନିର୍ବାଚନ ତାତି ପୁଣି ଚିଇଁକି ଉଠିଛି ।
