ନୂଆଦିଲ୍ଲୀ (ଏଟିଆର ବ୍ୟୁରୋ); ଧୋନୀଙ୍କୁ ନିଜ ବିଶ୍ୱକପ ଏକାଦଶରେ ନେଇନାହାଁନ୍ତି ସଚିନ । ମଙ୍ଗଳବାର ସଚିନ ନିଜର ବିଶ୍ୱକପ ଏକାଦଶ ଦଳ ଘୋଷଣା କରିଛନ୍ତି । ତେବେ ସଚିନଙ୍କ ମନପସନ୍ଦର ଦଳରେ ବିଶ୍ୱର ଶ୍ରେଷ୍ଠ କ୍ୟାପନେଟ ଧୋନୀଙ୍କୁ ସ୍ଥାନ ଦେଇ ନାହାଁନ୍ତି । ଯଦିଓ ସଚିନଙ୍କ ବିଶ୍ୱକପ ଏକାଦଶରେ ୫ଜଣ ଭାରତୀୟ ଅଛନ୍ତି କିନ୍ତୁ ଧୋନୀଙ୍କ ସ୍ଥାନ ନଦେବା ମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି ।
ସଚିନଙ୍କ ବିଶ୍ୱକପ ଏକାଦଶରେ ସ୍ଥାନ ପାଇଥିବା ପାଞ୍ଚଜଣ ଭାରତୀୟ ଖେଳାଳି ହେଲେ ରୋହିତ ଶର୍ମା,ବିରାଟ କୋହଲି,ହାର୍ଦ୍ଦିକ ପାଣ୍ଡ୍ୟା,ରବିନ୍ଦ୍ର ଜାଡେଜା ଏବଂ ଜଶପ୍ରିତ ବୁମରା । ଚଳିତ ବିଶ୍ୱକପରେ ଏହି ଖେଳାଳିମାନେ ଭଲ ଖେଳ ପ୍ରଦର୍ଶନ କରିଥିଲେ । ସଚିନଙ୍କ ଦଳର ଅଧିନାୟକ ଭାର ସମ୍ଭାଳିବେ ନ୍ୟୁଜିଲାଣ୍ଡ ଦଳର ଅଧିନାୟକ କେନ ୱିଲିୟମସନ ।
ସଚିନଙ୍କ ଟିମ୍ରେ ରୋହିତ ଓ ଇଂଲିଶ ଓପନର ଜନ୍ନି ବେୟାରଷ୍ଟୋ ଇନିଂସ ଆରମ୍ଭ କରିବେ। ୩ନଂରେ ୱିଲିୟମସନ, ୪ନଂରେ ବିରାଟ, ୫ନଂରେ ବାଲାଂଦେଶ ଅଲରାଉଣ୍ଡର ସାକିବ-ଅଲ ହାସନ, ୬ ନଂରେ ଇଂଲିଶ ଅଲରାଉଣ୍ଡର ବେନ ଷ୍ଟୋକ୍ସ, ୭ନଂରେ ହାର୍ଦ୍ଦିକ ପାଣ୍ଡ୍ୟା, ୮ନଂରେ ରବୀନ୍ଦ୍ର ଜାଡେଜା, ୯ନଂରେ ମିଚେଲ ଷ୍ଟାର୍କ, ୧୦ ନଂରେ ଜୋଫ୍ରା ଆର୍ଚର ଓ ୧୧ ନଂରେ ବୁମରାଙ୍କୁ ସ୍ଥାନ ଦେଇଛନ୍ତି। ସଚିନଙ୍କ ଟିମ୍ରେ ବେୟାରଷ୍ଟୋ ୱିକେଟ କିପର ରହିବେ।
