ନୂଆଦିଲ୍ଲୀ (ଏଟିଆର ବ୍ୟୁରୋ); ଜୁଲାଇ ୨୨ ତାରିଖ ଅପରାହ୍ଣ ୨.୪୩ରେ ମହାକାଶକୁ ଉତକ୍ଷେପଣ କରିବ ଇସ୍ରୋ । ଭାରତୀୟ ମହକାଶ ଗବେଷଣା ପ୍ରତିଷ୍ଠାନର ‘ଚନ୍ଦ୍ରଯାନ-୨’ ଆସନ୍ତା ଜୁଲାଇ ୨୨ରେ ଉତକ୍ଷେପଣ କରାଯିବ ।
ଏହା ପୂର୍ବରୁ ଗତ ୧୫ ତାରିଖ ସୋମବାର ଭୋର ୨ଟା ୫୧ ମିନିଟ ସମୟରେ ଏହାର ଉତକ୍ଷେପଣ ପାଇଁ ସମସ୍ତ ପ୍ରସ୍ତୁତି ସରିଥିଲା । ଯାହା ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାୱନ୍ ମହାକାଶ ଗବେଷଣା କେନ୍ଦ୍ରରୁ ଉତକ୍ଷେପଣ ହେବାରଥିଲା ।
ଶେଷ ମୁହୂର୍ତ୍ତରେ ବୈଷୟିକ ତ୍ରୁଟିରୁ ସ୍ଥଗିତ ରହିଥିଲା ଉତକ୍ଷେପଣ । ଲଞ୍ଚ ଭେଇକିଲରେ କୌଣସି ସମସ୍ୟା ଥିବାରୁ ଉତକ୍ଷେପଣ ସ୍ଥଗିତ ରଖାଯାଇଥିବା ଇସ୍ରୋ ପକ୍ଷରୁ ସୂଚନା ମିଳିଥିଲା ।
