ନୂଆଦିଲ୍ଲୀ (ଏଟିଆର ବ୍ୟୁରୋ); ୱେଷ୍ଟଇଣ୍ଡିଜ ଗସ୍ତରେ ଯିବ ଟିମ ଇଣ୍ଡିଆ । ଏଣୁ ଆଜି ଭାରତୀୟ ଦଳ ଘୋଷଣା ହେବାର ସମ୍ଭାବନା ରହିଛି । ତେବେ ଆଜି ଦଳରେ କେଉଁ ମାନଙ୍କୁ ସ୍ଥାନ ମିଳୁଛି ତାଉପରେ ସମସ୍ତଙ୍କ ନଜର । କିଛି ଅଭିଜ୍ଞ ଖେଳାଳିଙ୍କୁ ବିଶ୍ରାମ ଦିଆଯାଇପାରେ ବୋଲି ଶୁଣିବାକୁ ମିଳୁଛି । ଦଳର ସବୁଠାରୁ ଅଭିଜ୍ଞ ଖେଳାଳି ମହେନ୍ଦ୍ର ସିଂହ ଧୋନୀଙ୍କୁ ବିଶ୍ରାମ ଦିଆଯାଇଛି ।
ବିଶ୍ବକପ୍ର ସେମିଫାଇନାଲରୁ ବିଦାୟ ନେବା ପରେ ଚୟନକର୍ତା ରବିବାର କେତେକ କଠୋର ନିଷ୍ପତ୍ତି ନେଇ ପାରନ୍ତି। ପାଞ୍ଚଜଣ ଚୟନକର୍ତାଙ୍କ ସହ ଅଧିନାୟକ ବିରାଟ କୋହଲିଙ୍କ ବୈଠକ ପରେ ପ୍ରତୀକ୍ଷିତ ଦଳ ଘୋଷଣା କରାଯିବ। ଅଭିଜ୍ଞ ୱିକେଟ୍ ରକ୍ଷକ ମହେନ୍ଦ୍ର ସିଂହ ଧୋନି ଏହି ଗସ୍ତରୁ ଓହରି ଯାଇଥିବାରୁ ଋଷବ ପନ୍ତ ତିନିଟି ଯାକ ଫର୍ମାଟର ପ୍ରଥମ ପସନ୍ଦ ୱିକେଟ୍ ରକ୍ଷକ ଭାବେ ଦଳରେ ରହି ପାରନ୍ତି।
ଦଳରେ କିଛି ନୂଆ ଖେଳାଳିଙ୍କୁ ସ୍ଥାନ ମଧ୍ୟ ମିଳିପାରେ । ତେବେ ଏହି ଖେଳାଳିଙ୍କ ମଧ୍ୟରେ ଅଛନ୍ତି ଶ୍ରେୟସ ଆୟାର,ପୃଥୀ ଶ, କୁନାଲ ପାଣ୍ଡ୍ୟା, ଖଲିଲ ଅହମ୍ମଦ ଏବଂ ନବଦୀପ ସୈନି । ଏହିସବୁ ଖେଳାଳିମାନେ ଏବେ ଦମଦାର ଫର୍ମରେ ଅଛନ୍ତି । ଆଇପିଏଲରେ ମଧ୍ୟ ନିଜ ଦଳ ପାଇଁ ଭଲ ପ୍ରଦର୍ଶନ କରିଥିଲେ । ଯଦିଓ ଏମାନେ ପୂର୍ବରୁ ଆନ୍ତର୍ଜାତୀକ ମ୍ୟାଚ ଖେଳିଛନ୍ତି ତେବେ ଏମାନେ ନିୟମିତ ଦଳରେ ସ୍ଥାନ ପାଉ ନାହାଁନ୍ତି ।
