ମୁମ୍ବାଇ (ଏଟିଆର ବ୍ୟୁରୋ); ରାହାଣେଙ୍କ ଘରକୁ ଆସିବ ନୂଆ ଅତିଥୀ । ପିତା ହେବାକୁ ଯାଉଛନ୍ତି ରାହାଣେ । ନିଜେ ରାହାଣେ ଏହି କଥା ସୋସିଆଲ ମିଡିଆରେ ପ୍ରକାଶ କରିଛନ୍ତି । ନିଜ ଇନଷ୍ଟାଗ୍ରାମ ପେଜରେ ସେ ଏହା ପୋଷ୍ଟ କରିଛନ୍ତି । ପତ୍ନୀ ରାଧିକାଙ୍କ ସହିତ ଏକ ଫଟୋ ପୋଷ୍ଟ କରି ଖୁସି ଜାହିର କରିଛନ୍ତି । ରାହାଣେ ଏବଂ ପତ୍ନୀ ରାଧିକା ମରାଠୀ ବେଶରେ ସଜାଇ ହୋଇଥିବା ନଜର ଆସିଛି । ଉଭୟ ମରାଠୀ ବେଶରେ ହସ ହସ ମୁହଁରେ ଫଟୋଟିକୁ ପୋଷ୍ଟ କରିଛନ୍ତି । ତେବେ ରାହାଣେଙ୍କ ଏହି ପୋଷ୍ଟରେ ତାଙ୍କ ଫ୍ୟାନ୍ସ ଏବଂ ୟୁଜର୍ସମାନେ କମେଣ୍ଟ ମଧ୍ୟ ଦେଇଛନ୍ତି । ସମସ୍ତେ ନିଜ ନିଜ ଅନ୍ଦାଜରେ ଶୁଭେଛା ଜଣାଇଛନ୍ତି ।
ରାଧିକା ଏବଂ ରାହାଣେ ଉଭୟ ପିଲା ଦିନର ବନ୍ଧୁ । ଉଭୟ ପ୍ରେମ ବିବାହ କରିଛନ୍ତି । ଉଭୟ ସବୁବେଳେ ଖୁସି ନଜରରେ ଆସିଥିବା ଦେଖିବାମୁ ମିଳିଥାଏ । ତେବେ ରାହାଣେ ପିତା ହେବା ଖବର ପାଇବା ପରେ ତାଙ୍କ ପ୍ରଂଶସକମାନେ ବେଶ ଖୁସି ଜାହିର କରିଛନ୍ତି । ତେବେ ରାହାଣେଙ୍କ ପୂର୍ବରୁ ଭାରତୀୟ କ୍ରିକେଟର ପିତା ହେବା ଖବର ପାଇବା ପରେ ଭାରତୀୟ କ୍ରିକେଟରମାନେ ଭିନ୍ନ ଭିନ୍ନ ଢ଼ଙ୍ଗରେ ଖୁସି ଜାହିର କରିବା ପାଇଁ ଶୁଭେଛା ଜଣାଇଥାନ୍ତି ।
ଆଗାମୀ ୱେଷ୍ଟ ଇଣ୍ଡିଜ ଗସ୍ତରେ ଯିବେ ରାହାଣେ । ରାହାଣେ ଭାରତୀୟ ଟେଷ୍ଟ ଦଳର ଉପଅଧିନାୟକ ଦାୟିତ୍ୱ ତୁଲାଇ ଆସିଛନ୍ତି । ଜଣେ ମଧ୍ୟକ୍ରମ ବ୍ୟାଟ୍ସମ୍ୟାନ ଭାବରେ ସେ ବେଶ ପରିଚିତ । ତେବେ ଚଳିତ ବିଶ୍ୱକପରେ ତାଙ୍କୁ ସ୍ଥାନ ମିଳିନଥିଲା । ଏବେ ରାହାଣେ ଖୁସିରେ ଅଛନ୍ତି । ତେବେ ୱେଷ୍ଟଇଣ୍ଡିଜ ଗସ୍ତରେ ସେ ଭଲ ପ୍ରଦର୍ଶନ କରିବେ ବୋଲି ଆଶା କରାଯାଉଛି ।
