ବାଲେଶ୍ୱର ( ଏଟିଆର ବ୍ୟୁରୋ): ପୁଣି ଲଜ୍ଜା । ବେଳାଭୂମି ବୁଲିବାକୁ ଆସି ଫସିଲେ ଛାତ୍ରଛାତ୍ରୀ । ଛାତ୍ରଛାତ୍ରୀଙ୍କୁ ଉଲଗ୍ନ କରି ଭିଡିଓ ଭାଇରାଲ । ବାରମ୍ଭାର ଏମିତି ଘଟଣା ଘଟୁଥିଲେ ମଧ୍ୟ ତଥାପି ନାହିଁ ଡର । ଏମିତି ଏକ ଅଭାବନୀୟ ଘଟଣା ଘଟିଛି ତାଳସାରୀ ବେଳାଭୂମୀରେ । ଯାହାକୁ ନେଇ ଏବେ ସାଂରା ଅଞ୍ଚଳରେ ଲାଗି ରହିଛି ଚର୍ଚ୍ଚା । ସୂଚନା ଅନୁସାରେ କିଛି ଛାତ୍ରଛାତ୍ରୀ ବାଲେଶ୍ୱର ତାଳସାରୀ ବେଳାଭୂମି ବୁଲିବାକୁ ଆସିଥିଲେ । ସେଠାରେ ବୁଲାବୁଲି କରୁଥିବା ବେଳେ ଛାତ୍ରଛାତ୍ରୀ ମାନେ କିଚଇ ନିଶାଖୋର ଯୁବକଙ୍କ ହାବୁଡରେ ପଡିଥିଲେ ।
ଉକ୍ତ ନିଶାଖୋର ଯୁବକ ମାନେ ଛାତ୍ରଛାତ୍ରୀଙ୍କୁ ଆରମ୍ଭ କରି ଦେଇଥିଲେ ରାଗିଂ । ଏମିତି କି ଛାତ୍ରଛାତ୍ରୀ ମାନଙ୍କୁ ଧମକାଇ ଉଲଗ୍ନ ହେବାକୁ ମଧ୍ୟ ବାଧ୍ୟ କରିଥିଲେ । ଏବଂ ଉଲଗ୍ନ ବେଳର ଭିଡିଓ ରେକଡିଂ ମଧ୍ୟ କରିଥିଲେ । ଯାହା ଏବେ ଶୋସାଲ ମିଡିଆରେ ଭାଇରାଲ ହେବାରେ ଲାଗିଛି । ଆହୁରି ମଧ୍ୟ ଅଭିଯୋଗ ଆସିଛି ଉକ୍ତ ଅସାମାଜିକ ଯୁବକ ମାନେ ଛାତ୍ରଛାତ୍ରୀଙ୍କ ଠାରୁ ମୋଟା ଅଙ୍କର ଅର୍ଥ ମଧ୍ୟ ଆଦାୟ କରିଛନ୍ତି ।
ଏହି ଘଟଣା ପରେ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି । ଗ୍ରାମବାସୀ ମାନେ ଦୋଷୀକୁ କଠୋରରୁ କଠୋର ଦଣ୍ଡ ଦେବାକୁ ଦାବି କରିଛନ୍ତି । ସୂଚନାଯୋଗ୍ୟ ପୂର୍ବରୁ ୨ ଥର ମଧ୍ୟ ଏମିତି ଘଟଣା ସାମ୍ନାକୁ ଆସିଥିଲେ ମଧ୍ୟ ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରା ଯାଉ ନାହିଁ ।
