ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତୀୟ କ୍ରିକେଟ ଟିମ୍ ର ଅଧିନାୟକ ବିରାଟ କୋହଲି ଶେଷରେ ବଟଲ କ୍ୟାପ୍ ଚ୍ୟାଲେଞ୍ଜ ପୁରା କରିଛନ୍ତି । ଶନିବାର ବିରାଟ କୋହଲି ତାଙ୍କ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର କରି ଏକ କ୍ୟାପସନ ମଧ୍ୟ ଦେଇଛନ୍ତି । ସେପଟେ କୋହଲିଙ୍କ ଏହି ଚ୍ୟାଲେଞ୍ଜକୁ ତାଙ୍କ ଫ୍ୟାନ୍ସମାନେ ଖୁବ୍ ପସନ୍ଦ ମଧ୍ୟ କରିଛନ୍ତି ।
Better late than never.🏏😎#BottleCapChallenge pic.twitter.com/mjrStZxxTi
— Virat Kohli (@imVkohli) August 10, 2019
୧୫ ସେକେଣ୍ଡର ଏହି ଭିଡିଓରେ ବିରାଟ କୋହଲି ବ୍ୟାଟ ଧରି ବଟଲ ଆଡକୁ ଦେଖୁଛନ୍ତି । ଏହାପରେ ସେ ବ୍ୟାଟ୍ ଯୋଗେ ବଟଲ୍ ର ଠିପି କୁ ଖୋଲି ଦେଉଛନ୍ତି । ଭିଡିଓରେ ସବୁଠାରୁ ମଜାଳିଆ କଥା ହେଉଛି କୋହଲି ତାଙ୍କ ବ୍ୟାକଗ୍ରାଉଣ୍ଡରେ ଭାରତୀୟ ଟିମ୍ ର କୋଚ୍ ରବି ଶାସ୍ତ୍ରୀଙ୍କ କମେଣ୍ଟ୍ରି ବ୍ୟବହାର କରିଛନ୍ତି ।ସେପଟେ କୋହଲି ବ୍ୟାଟ୍ ରେ ବୋଟଲର କ୍ୟାପ ଖୋଲିବା ପରେ ସେହି ପାଣିକୁ ସେ ପିଇବା ସହିତ ଏହି ଚ୍ୟାଲେଞ୍ଜକୁ ପୁରା କରିଛନ୍ତି ।
ବର୍ତ୍ତମାନ ବିରାଟ କୋହଲି ୱେଷ୍ଟଇଣ୍ଡିଜ୍ ରେ ଭାରତୀୟ ଟିମ୍ ସହିତ ଉପସ୍ଥିତ ଅଛନ୍ତି । ରବିବାର ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ପୋର୍ଟ ଅଫ୍ ସ୍ପେନ୍ ଠାରେ ୱାନଡେ ସିରିଜ୍ ର ଦ୍ୱିତୀୟ ମ୍ୟାଚ୍ ଖେଳାଯିବ ।
