ଜଗତସିଂହପୁର ( ଏଟିଆର ବ୍ୟୁରୋ): ପାପ ଆଗରେ ହାର ମାନିଲା ବୟସ!କାମନା ଆଗରେ ବଳି ପଡିଲା ନାବଳିକା! ବୃଦ୍ଧ ବୟସରେ କଦର୍ଯ୍ୟ ଚିନ୍ତା! ଚକୋଲେଟ ଦେଇ… । ଏମିତି ଏକ ଲଜ୍ଜା ଦେଖିବାକୁ ମିଳିଛି ଜଗତସିଂହପୁର ତିର୍ତ୍ତୋଲ ଥାନା ଅଞ୍ଚଳରେ । ଜଣେ ଷାଠିଏ ବର୍ଷର ବୃଦ୍ଧ ଜଣେ ପଞ୍ଚ ମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ସୂଚନା ଅନୁସାରେ ତିର୍ତ୍ତୋଲ ଅଞ୍ଚଳରେ ଜଣେ ଷାଠିଏ ବର୍ଷର ବୃଦ୍ଧ ବିଦ୍ୟାଳୟରୁ ଘରକୁ ଫେରୁଥିବା ଜଣେ ପଞ୍ଚମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ବୃଦ୍ଧ ଜଣଙ୍କ ଚକଲେଟର ଲୋଭ ଦେଖାଇ ପ୍ରଥମେ ନାବାଳିକା ଜଣଙ୍କୁ ବାଡି ପଟକୁ ଡାକି ନେଇଥିଲେ । ପରେ ସେଠାରେ ନାବାଳିକାଙ୍କ ସହିତ ଦୁଷ୍କର୍ମ କରିଥିଲେ । ତେବେ ନାବାଳିକା ଜଣଙ୍କ ନିଜ ମାଙ୍କ ଅଗରେ ଏକଥା ପ୍ରକାଶ କରିବା ପରେ ପରିବାର ପକ୍ଷରୁ ବୃଦ୍ଧଙ୍କ ନାମରେ ଥାନାରେ ଏତଲା ଦିଆଯାଇଥିଲା ।
ପ୍ରଥମେ ନାବଳିକାର ବାପା ଏନେଇ ଅଭିଯୁକ୍ତଙ୍କ ଭାଇଙ୍କୁ ସୂଚନା ଦେଇଥିଲେ ମାତ୍ର ତାଙ୍କ ଭାଇ ଏମାନଙ୍କୁ ଧମକ ଚମକ ଦେଇଥିବା ଅଭିଯୋଗ କରିଛନ୍ତି ନାବାଳିକାଙ୍କ ପରିବାର । ଅଭିଯୋଗ ଅନୁସାରେ ପୋଲିସ ଅଭିଯୁକ୍ତ ବୃଦ୍ଧଙ୍କୁ ଥାନାରେ ଅଟକ ରଖି ପଚରା ଉଚରା ଆରମ୍ଭ କରିଛି ।
