ନୂଆଦିଲ୍ଲୀ (ଏଟିଆର ବ୍ୟୁରୋ): ଉତ୍ତରପ୍ରଦେଶର ଅଲିଗଢରେ ଏକ ଘରୋଇ ବିମାନ ଦୁର୍ଘଟଣା ଗସ୍ତ ଘଟିଛି । ବିମାନବନ୍ଦର ପଡିଆରେ ଲ୍ୟାଣ୍ଡିଂ କରିବା ସମୟରେ ଏହି ଦୁର୍ଘଟଣା ହୋଇଛି । ବିମାନରେ ୬ ଜଣ ଲୋକ ଯାତ୍ରା କରୁଥିଲେ । ସମସ୍ତେ ସୁରକ୍ଷିତ ଥିବାର ସୂଚନା ମିଳିଛି ।
ଗାନ୍ଧୀପାର୍କ ଅଞ୍ଚଳର ଧନୀପର ବିମାନବନ୍ଦରରେ ଏୟାର ଚାଟାର୍ଡ ବିମାନଟି ଲ୍ୟାଣ୍ଡିଂ କରିବା ସମୟରେ ବିଦ୍ୟୁତ୍ ତାରରେ ଫସିଯାଇଛି । ଯାହାଦ୍ୱାରା ବିମାନ କ୍ରାସ ହେବା ସହ ସେଥିରେ ନିଆଁ ଲାଗି ଯାଇଛି । ଘଟଣାସ୍ଥଳରେ ଦମକଳ ବାହିନୀ ପହଁଚି ନିଆଁ ଲିଭାବାଇ ପାଇଁ ଚେଷ୍ଟା ଜାରି ରଖିଛନ୍ତି ।
ଘରୋଇ ଆଭିଏସନ୍ କମ୍ପାନୀର ପ୍ରଶିକ୍ଷଣ ବିମାନର ମରାମତି କରିବା ପାଇଁ ଇଞ୍ଜିନିୟର ଦିଲ୍ଲୀରୁ ବିମାନ ଯୋଗେ ଆଲିଗଢ ଆସିଥିଲେ । ଦୁର୍ଘଟଣା ପରେ ଘଟଣାସ୍ଥଳରେ ପୋଲିସ ପ୍ରଶାସନିକ ଅଧିକାରୀ ପହଁଚି ତଦନ୍ତ ଜାରି ରଖିବା ସହ ବିମାନରେ ଥିବା ଦୁଇ ପାଇଲଟ ସମେତ ଅନ୍ୟ ଯାତ୍ରୀ ସୁରକ୍ଷିତ ଥିବାର ସୂଚନା ଦେଇଛନ୍ତି ।
