ଭୁବନେଶ୍ୱର,(ଏଟିଆରବ୍ୟୁରୋ): ମୃତ୍ୟୁ ଏମିତି ବି ଆସେ । ଯାହାକୁ ଅପକ୍ଷୋ କରିଥିବେ ସେ ହିଁ ସାଜିବ ଯମଦୂତ । କିଛି ବୁଝି ହେଉନି ନା । ଏମିତି ଏକ ଘଟଣା ଘଟିଛି ବରଗଡ଼ ପଦ୍ମପୁର ଅଞ୍ଚଳରେ । ଯେଉଁ ବସରେ ଯିବାକୁ ଅପେକ୍ଷା କରିଥିଲେ ସେହି ବସ ଧକ୍କାରେ ହିଁ ଜୀବନ ଚାଲିଗଲା । ମୃତକଙ୍କ ନାଁ ଧବଳେଶ୍ୱର ସାହା(୩୫) । ଘର ଖଣ୍ଡିଝରଣ ଗାଁରେ । ସେ ଜଣେ କଲେଜ ଅଧ୍ୟାପକ ବୋଲି ଜଣାପଡିଛି । ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି ହସପିଟାଲ ପଠାଇଛି ।
ଘଟଣାଟି ଏହିପରି ସକାଳ ୮ଟା ବେଳେ ଧବଳେଶ୍ୱର କଲେଜ ଯିବା ଲାଗି ବସକୁ ଅପକ୍ଷୋ କରିଥିଲେ । ହେଲେ ଅଚାନକ୍ ଗୌରବ ନାମକ ଏକ ବସ ଦୃତ ଗତୀରେ ତାଙ୍କ ଆଡକୁ ମାଡି ଆସିଥିଲା । ବସ ଧକ୍କାରେ ଲହୁଲୁହାଣ ହୋଇପଡିଥିଲେ ଧବଳେଶ୍ୱର । ଉପସ୍ଥିତ ଲୋକେ ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରିଥିଲେ । ଆଉ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଘଟଣାକୁ ନେଇ ବେଶ କିଛି ସମୟ ଉତ୍ତେଜନା ଦେଖା ଦେଇଥିଲା । ପରେ ପୁଲିସ ପହଞ୍ଚି ବୁଝାସୁଝା କରିବା ପରେ ପରିସ୍ଥିତି ସ୍ୱାଭାବିକ ହୋଇଥିଲା ।
