କେନ୍ଦୁଝର ( ଏଟିଆର ବ୍ୟୁରୋ) ; କେନ୍ଦୁଝର ଜିଲ୍ଲା ହାଟଡିହି ବ୍ଲକ କରଗୋଳା ଗ୍ରାମରେ ରାମ ଶିଆଳ ଆକ୍ରମଣରେ ୬ ଜଣ ଗୁରୁତର । ଗ୍ରାମରେ ଏକ ରାମ ଶିଆଳ ମାତିଥିବାରୁ ଏବେ ପୁରା ଅଞ୍ଚଳ ଏବେ ଆତଙ୍କରେ । ଆକ୍ରମଣରେ ଆହତ ହୋଇଥିବା ଲୋକମାନେ ଏବେ ମେଡିକାଲରେ ଚିକିତ୍ସିତ ହେଉଛନ୍ତି । ସୂଚନା ଅନୁସାରେ ଗତକାଲି ଗୋଟେ ପିଲାକୁ ଜଙ୍ଗଲରୁ ଆସିଥିବା ଏକ ରାମ ଶିଆଳ ଆକ୍ରମଣ କରିବା ପାଇଁ ଗୋଡାଇଥିଲା ।
ପିଲାଟି କୌଣସି ପ୍ରକାରେ ଦୌଡି ଖସି ଯାଇଥିଲା ରାମ ଶିଆଳ ମୁହଁରୁ । ମାତ୍ର ଗ୍ରାମରେ ଆଉ ଜଣେ ମହିଳା ଶିଆକୁ ବାଡି ଦେଖେଇବାରୁ ରାମ ଶିଆଳ ମହିଳା ଜଣଙ୍କୁ ଆକ୍ରମଣ କରିଥିଲା । ପରେ ମହିଳା ଜଣଙ୍କ ଦୌଡିବାରୁ ରାମ ଶିଆଳ ମହିଳାଙ୍କ ପଛେ ପଛେ ଗୋଡାଇଥିଲା । ଶିଆଳର ବାଟ ଓଗାଳିବା ପାଇଁ ଚେଷ୍ଟା କରିବାର,ୁ ଶିଆଳ ଗ୍ରାମର ଅନ୍ୟମାନଙ୍କୁ ମଧ୍ୟ ଆକ୍ରମଣ କରିଥିଲା । ପାଖାପାଖି ୬ ଜଣଙ୍କୁ ଶିଆଳ ଆକ୍ରମଣ କରିଥିଲା ।
ଗ୍ରାମର ସବୁ ଲୋକ ଏକାଠି ହୋଇ ନିଆଁ ଧରି ଗୋଡାଇବାରୁ ଜଙ୍ଗଲ ଆଡେ ପଳାଇଛି । ତେବେ ଶିଆଳ ପୁଣି ଗ୍ରାମ ଭିତରକୁ ଆସିପାରେ ବୋଲି ଗ୍ରାମବାସୀ ମାନେ ଆଶଙ୍କା କରିଛନ୍ତି । ଆହତମାନେ ଏବେ ପାଖ ଚିକିତ୍ସାଳୟରେ ଭର୍ତ୍ତି ହୋଇଥିବା ଜଣା ପଡିଛି ।
