କେନ୍ଦୁଝର,(ଏଟିଆରବ୍ୟୁରୋ): ଧାନ ବିଲରୁ ଉଦ୍ଧାର ହେଲା ୨୫ଫୁଟ ଲମ୍ବର ଅଜଗର ସାପ । ଘଟଗାଁ ବାଲପାହଡି ହୁଡି ପାଖ ଏକ ଧାନ ବିଲରୁ ଏହି ସାପଟିକୁ ଉଦ୍ଧାର କରାଯାଇଛି । ସକାଳେ କିଛି ଲୋକ ଧାନ ବିଲକୁ ଯାଇଥିବା ବେଳେ ସାପଟି ବିଲରେ ଶୋଇ ରହିଥିବା ଦେଖିବାକୁ ମିଳିଥିଲା ।
ପ୍ରଥମେ ସାପଟିକୁ ଦେଖି ଲୋକେ ଭୟଭିତ ହୋଇପଡିଥିଲେ । ତୁରନ୍ତୁ ଏନେଇ ସେମାନେ ଢ଼େଙ୍କିକୋଟ ବନବିଭାଗକୁ ଖବର ଦେଇଥିଲେ । ପରେ ବନବିଭାଗ କର୍ମଚାରୀମାନେ ପହଞ୍ଚି ସାପଟିକୁ ଉଦ୍ଧାର କରିଥିଲେ । ସାପଟି ସମ୍ପୂର୍ଣ୍ଣ ସୁସ୍ଥ ଥିବା ବେଳେ ତାକୁ ନିକଟସ୍ଥ ଜଂଗଲରେ ଛାଡି ଦିଆଯାଇଥିବା ସୂଚନା ମିଳିଛି ।
