ନବରଙ୍ଗପୁର(ଏଟିଆର ବ୍ୟୁରୋ): କିଛି ଦିନ ତଳେ ବରମୁଣ୍ଡା ବସଷ୍ଟାଣ୍ଡାରେ ଏକ ବସରେ ନିଆଁ ଲାଗିଥିବାର ଦେଖିବାକୁ ମିଳି ଥିଲା । ସେହି ପରି ବହୁ ଥର ଚଳନ୍ତା ବସରେ ନିଆଁ ଲାଗିଥିବା କଥା ଦେଖିବାକୁ ମିଳିଛି । ତେବେ ଆଜି ସକାଳେ ଭୁବନେଶ୍ୱରରୁ ଜୟପୁର ଅଭିମୁଖ ଚକାଢେଲା ନାମକ ଏକ ଘରୋଇ ବସ ଯାତ୍ରୀ ମାନଙ୍କୁ ନେଇ ବହାରିଥିଲା । ହେଲେ ନବରଙ୍ଗପୁର ସର୍କିଟ ହାଉସ ପାଖରେ ବସରେ ହତାଠ ନିଆଁ ଲାଗିଯାଇଥିଲା । ସର୍ଟ ସର୍କିଟ ଯୋଗୁ ବସରେ ନିଆଁ ଲାଗିଥିବାର ସନ୍ଦେହ କରାଯାଉଛି ।
ନିଆଁ ଲାଗିବା ମାତ୍ରେ ବସରେ ଥିବା ସମସ୍ତ ଯାତ୍ରୀ ଭୟଭୀତ ହୋଇ ପଡିଥିଲେ । ଏହା ପରେ ଧିରେ ଧିରେ ଯାତ୍ରୀମାନେ ବସରୁ ଓହ୍ଲାଇ ପଡିଥିଲେ । ଖବର ପାଇ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ତେବେ ବେଶ କିଛି ସମୟ ଧରି ରାସ୍ତା ଉପରେ ନିଆଁକୁ ଦେଖିବାକୁ ଲାଗି ରାସ୍ତାର ଦୁଇ ପାର୍ଶ୍ୱରେ ଭିଡ ଜମି ରହିଥିଲା । ଏଥିରେ ରାସ୍ତା ଜାମ ହୋଇ ଯାଇଥିଲା । ଏଥିରେ କାହାର କିଛି କ୍ଷତି ହୋଇ ନଥିବାର ଜଣାଡିଛି ।
