କେନ୍ଦ୍ରାପଡା( ଏଟିଆର ବ୍ୟୁରୋ): କେନ୍ଦ୍ରାପଡା ପୋଲିସକୁ ଏକ ବଡ ସଫଳତା । ଗରାପୁର ଭିଜିଲାନ୍ସ ଅଫିସରେ ଏନକାଉଣ୍ଟର କରିଛି ପୋଲିସ । ଏହି ଏନକାଉଣ୍ଟରରେ ଜଣେ ଅପରାଧୀ ଗୁରୁତର ଆହତ ହୋଇଥିବା ବେଳେ ୪ ଜଣ ଘଟଣା ସ୍ଥଳରୁ ଫେରାର ହୋଇଯାଇଥିବା ସୂଚନା ମିଳିଛି । ଆହତ ହୋଇଥିବା ଅପରାଧୀର ନାମ ହୃଷିକେଶ ମଲ୍ଲିକ । ହୃଷିକେଶ ନାମରେ ପୂର୍ବରୁ ବିଭିନ୍ନ ଥାନାରେ ସଂଗୀନ ଅଭିଯୋଗ ରହିଥିଲା ।
ଏହି ୫ ଜଣ ଏକ ଗୃପ ହୋଇ ଡକାୟତି କରି କରି ଖସିଯିବାକୁ ଚେଷ୍ଟା କରୁଥିବା ବେଳେ କେନ୍ଦ୍ରାପଡା ପୋଲିସ ସେମାନଙ୍କ ପିଛା କରି ଗରାପୁର ଭିଜିଲାନ୍ସ ଅଫିସ ଆଗରେ ଏନକାଉଣ୍ଟର କରିଥିଲା । ପୋଲିସର ସ୍ପେସାଲ ସ୍କାର୍ଡ ଏହି ଏନକାଉଣ୍ଟର କରିଛି । କେନ୍ଦ୍ରପଡା ଏସପି ନିଜେ ଏହି କୁଖ୍ୟତ ଅପରାଧୀକୁ ଏନକାଉଣ୍ଟର କରିଛନ୍ତି । ଆହତ ହୃଷିକେଶ ଏବେ କେନ୍ଦ୍ରପଡା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ସେମାନଙ୍କ ନିକଟରୁ ଏକ ଇଣ୍ଡିଗୋ କାର ଜବତ ହୋଇଛି ।
