ବିଜେପୁର ( ଏଟିଆର ବ୍ୟୁରୋ): ବିଜେପୁରରେ ବାଜି ମାରିନେଲା ବିଜେଡି । ଲଗାତର ତୃତୀୟ ଥର ପାଇଁ ବିଜେଡି ବିଜେପୁରରେ ବିଜୟ ଲାଭ କରିଛି । ବିଜେଡି ପ୍ରାର୍ଥିନୀ ରୀତା ସାହୁ ୧୩୫୯୫୭ ଖଣ୍ଡ ଭୋଟ୍ ପାଇ ଏହି ନିର୍ବାଚନରେ ବିଜୟିନୀ ହୋଇଛନ୍ତି। ୯୭୯୯୦ ଖଣ୍ଡ ଭୋଟ ବ୍ୟବଧାନରେ ବିଜୟ ହୋଇଛନ୍ତି ରୀତା । ନିର୍ବାଚନ କମିଶନଙ୍କ ୱେବ ସାଇଟ ତଥ୍ୟ ଅନୁସାରେ ବିଜେପି ପ୍ରାର୍ଥୀ ସନତ ଗଡତିଆ ୩୭୯୬୭ ଖଣ୍ଡ ଭୋଟ କଂଗ୍ରେସ ପ୍ରାର୍ଥୀ ଦିଲ୍ଲୀପ ପଣ୍ଡା ୫୮୭୩ ଖଣ୍ଡ ଭୋଟ ପାଇଛନ୍ତି । ଏହି ଅବସରରେ ରୀତାଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ସୂଚନାଯୋଗ୍ୟ ଗତ ଦେଢ ବର୍ଷ ମଧ୍ୟରେ ଏଠାରେ ୩ ଚଥର ନିର୍ବାଚନ ଅନୁଷ୍ଠିତ ହୋଇଛି । ପୂର୍ବତନ ବିଧାୟକ ସୁବଳ ସାହୁଙ୍କ ମୃତ୍ୟୁ ପରେ ଏଠାରେ ତାଙ୍କ ସ୍ତ୍ରୀ ରୀତା ସାହୁ ଉପନିର୍ବାଚନ ଲଢି ବିଜୟ ହୋଇଥିଲେ । ପରେ ଗତ ସାଧାରଣ ନିର୍ବାଚନରେ ଏହି ଆସନରୁ ମୁଖ୍ୟମନ୍ତ୍ରୀ ପ୍ରାର୍ଥୀ ହୋଇ ବିଜୟ ହୋଇଥିଲେ । ପରେ ମୁଖ୍ୟମନ୍ତ୍ରୀ ଏହି ଆସନ ଛାଡିବାରୁ ଏଠାରେ ପୁଣି ନିର୍ବାଚନ ଅନୁଷ୍ଠିତ ହୋଇଥିଲା ।
