ଭୁବନେଶ୍ୱର (ଏଟିଆର ବ୍ୟୁରୋ): ନାଲକୋ ସିପିପି ପ୍ଲାଣ୍ଟରେ ଭୟାଭୟ ଅଗ୍ନିକାଣ୍ଡ । ଆଜି ଅନୁଗୁଳ ଜିଲ୍ଲା ନାଲକୋ ସିପିସି ପ୍ଲାଟ ପରିସରରେ ଥିବା ୫ନମ୍ବର ୟୁନିଟରେ ନିଆଁ ଲାଗିଛି । ନିଆଁଟି ସଙ୍ଗେ ସଙ୍ଗେ ଚାରିଆଡେ ବ୍ୟାପିଯାଇଥିଲା । ଅଗ୍ନିକାଣ୍ଡ ହେବା ଦ୍ୱାରା ସେଠାରେ ଥିବା ୧୨ଟି କାପାସିଟର ବ୍ୟାଙ୍କରେ ଲାଗିଯାଇଥିଲା । ଘଟଣାସ୍ଥଳରେ ଖବର ପାଇ ନାଲକୋ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତକୁ ଆଣିଥିଲେ । ଲାଗିଥିବା ୧୨ଟି କାପାସିଟର ବ୍ୟାଙ୍କ ମଧ୍ୟରୁ ୪ଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ୮ଟି ଆଂଶିକ କ୍ଷତି ହୋଇଥିଲା । ବିଦ୍ୟୁତ ସର୍ଟସର୍କିଟ କାରଣରୁ ଏହି ଅଗ୍ନିକାଣ୍ଡ ଲାଗିଥିବା ଜଣାପଡିଛି ।
ସେହିଭଳି ପାରାଦୀପ ଆଇଓସିଏଲ୍ ତୈଳ ବିଶୋଧନାଗାରାରେ ମଧ୍ୟ ଲାଗିଛି ନିଆଁ । ତୈଳ ବିଶୋଧନାଗାରାର ପଲି ପ୍ରୋପଲିନ ୟୁନିଟ ସାଇଡରେ ଲାଗିଛି ନିଆଁ । ଏହି ସମୟରେ ଲକ୍ଷାଧିକ ଟଙ୍କାର ପଲିମର ବୋଝେଇ ଟ୍ରକ ବାହାରୁଥିବା ସମୟରେ ଲାଗିଛି ନିଆଁ । ଘଟଣା ସ୍ଥଳରେ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତ କରିଥିଲେ । ନିଆଁଟି କେଉଁ କାରଣରୁ ଲାଗିଛି ତାହା ଅସ୍ପଷ୍ଟ ରହିଛି ।
