ନବରଙ୍ଗପୁର ( ଏଟିଆର ବ୍ୟୁରୋ): ବିଜ୍ଞାନ ଯେତେ ଅଗ୍ରଗତି କଲେ ମଧ୍ୟ ଆଜି ବି କିଛି ଲୋକଙ୍କ ମନରୁ ଅନ୍ଧ ବିଶ୍ୱାସ ଦୂର ହେଉନି । ବିଶେଷ କରି ଆଦିବାସୀ ଅଧିସୁତ ଅଞ୍ଚରେ । ଆଜି ବି ଏହି ସବୁ ଅଞ୍ଚରେ ଆଜିବି ଅନ୍ଧ ବିଶ୍ୱାସ ଭଳି କୁପ୍ରଥା ଜୀବିତ ରହିଛି । ଯାହାର ଏକ ନିଚ୍ଛକ ପ୍ରତିଛବି ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ୍ ଅନ୍ତର୍ଗତ ଗୁଜୁମାପଦର ଗ୍ରାମରେ । ଗୁଣିଗାରେଡି କରୁଥିବା ସନ୍ଦେହ କରି ମହିଳାଙ୍କୁ ହତ୍ୟା କରାଯାଇଛି ।
ହତ୍ୟା କରାଯାଇଥିବା ମହିଳାଙ୍କ ନାମ ତୁଳାବତୀ ସାନ୍ତା ବୋଲି ଜଣା ପଡିଛି । ଖବର ଅନୁସାରେ ମୃତ ମହିଳା ତୁଳାବତୀ ସାନ୍ତା ଘରେ ଗୁଣି ଗାରେଡି କରୁଥିବା ଗ୍ରାମବାସୀ ମାନେ ସନ୍ଦେହ କରି ଆସୁଥିଲେ । ଏମିତି କି ଦୀର୍ଘଦିନ ହେଲା ଗ୍ରାମବାସୀମାନେ ତାଙ୍କୁ ନିଆଁ ପାଣି ବାସନ୍ଦ କରି ରଖିଥିଲେ ।
ଗତକାଲି ବିଳମ୍ବିତ ରାତିରେ ଗୁଜୁମାପଦର ଗ୍ରାମର ଧନୁ ସାନ୍ତା ଏବଂ ରାଧୁ ସାନ୍ତା ବିଳମ୍ବିତ ରାତିରେ ମହିଳା ଜଣକୁ ଘରୁ ଡାକି ଆଣି ହତ୍ୟା କରିଥିବା ଅଭିଯୋଗ ହୋଇଛି । ପରିବାର ପକ୍ଷରୁ ମୈଦଲପୁର ଥାନାରେ ଏତଲା ଦିଆଯାଇଛି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅନ୍ୟପଟେ ହତ୍ୟା ଅଭିଯୋଗ ହୋଇଥିବା ଅଭିଯୁକ୍ତ ମାନେ ଫେରାର ଅଛନ୍ତି । ହତ୍ୟା କରିଥିବା ୨ ଅଭିଯୁକ୍ତଙ୍କ ପରିବାର ଲୋକଙ୍କ ଦେହ ଦୀର୍ଘଦିନ ହେଲା ଅସୁସ୍ଥ ରହିଥିବାରୁ ସେମାନେ ଗୁଣି ଗାରେଡି ସନ୍ଦେହ କରି ତୁଳାବତୀଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି ।
