ନୂଆଦିଲ୍ଲୀ (ଏଟିଆର ବ୍ୟୁରୋ): ତେଲେଙ୍ଗାନା ର ହାଇଦ୍ରାବାଦ ରେ ଏକ ବଡ ଦୁର୍ଘଟଣା ଘଟିଛି । କାଚେଗୁଡା ରେଲୱେ ଷ୍ଟେସନରେ ଟ୍ରେନ୍ କୁ ଧକ୍କା ଦେଇଛି ଟ୍ରେନ୍ । ଏହି ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ସେପଟେ ଦୁର୍ଘଟଣାର ଖବର ପାଇ ରେଲୱେର ଅନେକ କର୍ମଚାରୀ ଘଟଣାସ୍ଥଳରେ ପହଁଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
ସିଗନାଲ ଫେଲ ହୋଇଥିବା ଯୋଗୁଁ ଦୁର୍ଘଟଣା ହୋଇଥିବା କୁହାଯାଉଛି । ଏମଏମପିଏସ ଏବଂ ଇଣ୍ଟରସିଟି ଏକ୍ସପ୍ରେସ ମଧ୍ୟରେ ଏହି ଦୁର୍ଘଟଣା ହୋଇଛି । ଷ୍ଟେସନର ପ୍ଲାଟଫର୍ମରେ ଛିଡା ହୋଇଥିବା ଟ୍ରେନ୍ କୁ ଧକ୍କା ଦେଇଥିଲା ଅନ୍ୟ ଏକ ଟ୍ରେନ୍ । ଏହି ଦୁର୍ଘଟଣା ପରେ ରେଳ ଧାରଣାରେ ଯାତାୟତ ପ୍ରଭାବିତ ହୋଇଛି ।
