ନୂଆଦିଲ୍ଲୀ (ଏଟିଆର ବ୍ରୁରୋ): ଆଇଏସଏସଏଫ ୱାଲ୍ଡ କପ ଫାଇନାଲରେ ଷ୍ଟାର ଶୁଟର ମନୁ ଭାକର ଏବଂ ଇଲାବେନିଲ ବଲାରିବାନ ସ୍ୱର୍ଣ୍ଣ ଜିତି ଭାରତ ପାଇଁ ଗୌରବ ଆଣିଛନ୍ତି । ମନୁ ଭାକର ଜୁନିଅର ୱାଲ୍ଡ ରେକର୍ଡ ସହିତ ମହିଳା ୧୦ ମିଟର ଏୟର ପିସ୍ତଲ ଇଭେଣ୍ଟର ସ୍ୱର୍ଣ୍ଣ ପଦକ ନିଜ ନାଁରେ କରିଛନ୍ତି । ସେହିପରି ମହିଳା ୧୦ ମିଟର ଏୟର ରାଇଫଲରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ଇଲାବେନିଲ ।
୧୭ ବର୍ଷିୟ ମନୁ ୨୪୪.୭ କରି ଜୁନିଅର ୱାଲ୍ଡ ରେକର୍ଡ କରିବାରେ ସଫଳ ହୋଇଛନ୍ତି । ଆଇଏସଏସଏଫ୍ ର ଏହା ଅନ୍ତିମ ଟୁର୍ଣ୍ଣାମେଣ୍ଟ ଥିଲା । ଏଥିରେ ସର୍ଭିୟାର ଜୋରାନା ଅରୁନୋବିଚ୍ ୨୪୧.୯ ସ୍କୋର କରି ରୌପ୍ୟ ପଦକ ହାସଲ କରିଥିବା ବେଳେ ଚୀନ୍ ର କ୍ୱିୟାନ ୱାଙ୍ଗ ୨୨୧.୮ ସ୍କୋର କରି ବ୍ରୋଞ୍ଚ ପଦକ ହାସଲ କରିଛନ୍ତି ।
ମନୁ ଭାକର ଏବଂ ଇଲାବେନିଲ ବଲାରିବାନ ଙ୍କ ବ୍ୟତିତ ପୁରୁଷଙ୍କର ୧୦ ମିଟର ଏୟର ରାଇଫଲରେ ଭାରତୀୟ ସୁଟର୍ ଦିବ୍ୟାଂଶ ସିଂହ ପାୱର ସ୍ୱର୍ଣ୍ଣ ପଦକ ହାସଲ କରିଛନ୍ତି ।
