ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତା ବର୍ଷ ଠାରୁ ସୁରଟକୁ ଯିବାକୁ ଚାହୁଁ ଥିଲେ ଯାତ୍ରା ହେବ ସହଜ । ଏବେ ବିମାନ ଯୋଗେ କିଛି ଘଣ୍ଟା ମଧ୍ୟରେ ଆପଣମାନେ ସୁରଟରେ ଯାଇ ପହଞ୍ଚି ପାରିବେ । ଏୟାର ଇଣ୍ଡିଆ ଏହି ବିମାନ ସେବାର ସୁବିଧା ଆସନ୍ତା ଜାନୁଆରୀ ୨୦ ତାରିଖରୁ ଆପଣମାନଙ୍କ ପାଖରେ ପହଞ୍ଚାଇବାକୁ ଯାଉଛି । ଭୁବନେଶ୍ୱରରୁ ଏହି ବିମାନ ସୁରଟ ଅଭିମୁଖେ ସୋମବାର ଓ ଗୁରୁବାର ଯିବାକୁ ଥିବା ବେଳେ ଶୁକ୍ରବାର ଓ ରବିବାର ସୁରଟରୁ ଆସିବ ।
ଭୁବନେଶ୍ୱର- ବେଙ୍ଗଲୁରୁ- ସୁରଟ ମଧ୍ୟ ଦେଇ ଏହି ବିମାନ ଚଳାଚଳ କରିବ । ସୁରଟରେ ବହୁ ସଂଖ୍ୟାକ ଓଡିଆ ଲୋକ ରହୁଥିବାରୁ ଏହି ବିମାନ ସେବା ସେମାନଙ୍କୁ ଅନେକ ଫାଇଦା ଯୋଗାଇବ ବୋଲି ଆଶା କରାଯାଉଛି । ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଏହି ନିଷ୍ପତିକୁ ନେଇ ନିଜର ଖୁସି ବ୍ୟକ୍ତ କରିବା ସହ ଏହାର ଇଣ୍ଡିଆ ସିଏମଡିଙ୍କୁ ଟ୍ୱିଟ କରି ଧନ୍ୟବାଦ ଜ୍ଞାପନ କରିଛନ୍ତି ।
