କଟକ(ଏଟିଆର ବ୍ୟୁରୋ): କମିସନରେଟ ପୋଲିସ ଦ୍ୱାରା ଅପରାଧି ମାନଙ୍କୁ ଧରିବା ପାଇଁ ବିଭିନ୍ନ ପ୍ରକାରର ଯୋଜନା ସହ ସ୍ପେଶାଲ ଟିମ ତିଆରି କରାଯାଉଛି । ଛକ ଛକରେ ଟ୍ରାଫିକ ଚେକିଂ କରାଯାଉଛି । ହେଲେ ଅପରାଧି ମାନେ ଦିନ ଦିହି ପହରେ କେଉଁଠି ଗୁଳି ଫୁଟାଉଛନ୍ତି ତ ଆଉ କେଉଁଠି ବୋମା ମାଡ କରୁଛନ୍ତି । ତେବେ କଟକ ସାଲେପୁର ଅଞ୍ଚଳରେ ଦିନ ଦିହି ପହରରେ ଦୁଇ ଜଣ ଯୁବକଙ୍କୁ ହାଣିଛନ୍ତି କିଛି ଦୁର୍ବୃତ୍ତ ।
ସୁଚନା ଅନୁସାରେ କଟକ ଜିଲ୍ଲା ସାଲେପୁର ଥାନା ମଛୁଆତି ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ଦୁର୍ବୃତ୍ତ ମାନଙ୍କ ଆକ୍ରମଣରେ ବାହାବଳପୁରର ଗୁରୁତର ଅରୁଣ ରାଉତରାୟ ଓ ତାଙ୍କ ସାଙ୍ଗା ସଂଜୟ ବେହେରା । ତେବେ ଅରୁଣ ସିମେଣ୍ଟ ବ୍ୟବସାୟ କରନ୍ତି । ଏହାକୁ ନେଇ ସେ ମାଛୁଆତି ଛକ ନିକଟକୁ ସିମେଣ୍ଟ ଟଙ୍କା ଆଦାୟ କରିବାକୁ ଯାଇଥିଲେ । ଏହି ସମୟରେ ମାଛୁଆତି ଛକ ନିକଟରେ ଥିବା ଏକ ଟାୟାର ଦୋକାନ ସାମ୍ନାରେ ତାଙ୍କ ଗାଡିକୁ ଦୁଇ ଜଣ ଯୁବକ ଅଟକାଇ ଥିଲେ । ଅରୁଣ ଓ ତାଙ୍କ ସାଙ୍ଗ କିଛି ବୁଝିବା ପୁର୍ବରୁ ଯୁବକ ମାନେ ଭୁଜାଲି ଓ ରଡରେ ସେମାନଙ୍କୁ ଆକ୍ରମଣ କରିବାରେ ଲାଗିଥିଲେ । ଏହି ଆକ୍ରମଣରେ ଅରୁଣ ଓ ସଂଜୟ ଗୁରୁତର ହୋଇଥିଲେ । ସେମାନଙ୍କୁ ପ୍ରଥମେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା ପରେ ସେମାନଙ୍କୁ କଟକ ବଡ ମେଡିକାଲ ସ୍ଥାନାନ୍ତରିତ କରାଯାଇଛି । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
