ଭୁବନେଶ୍ୱର(ଏଟିଆର ବ୍ୟୁରୋ): ଶୀତ ଦିନ ଆସିବା ମାତ୍ରେ ହିଁ ମନରେ ପିକନିକ କରିବାକୁ ନେଇ ଉତ୍ସୁକତା ବଢିଯାଏ । ତେବେ କେବଳ ଗୋଟିଏ ଟେବୁଲରେ ବସି ପୁରା ପିକନିକର ମଜା ଉଠାଇ ହେବ, ଏହା ଶୁଣିଲା ବେଳକୁ ଆଶ୍ଚର୍ଯ୍ୟ ଜନକ ଲାଗୁଥିଲେ ବି କଥାଟି ସତ ।
ତେବେ ଏହି ଟେବୁଲଟି ମୋଟର ଚାଳିତ ହୋଇଥିବାରୁ ଏହାକୁ ସହଜରେ କୌଣସି ବି ସ୍ଥାନକୁ ନେଇଯାଇ ହେବ । ଏହି ଟେବୁଲ କୁ ଏକ ପ୍ରକାରର ମୋଟର ଗାଡି କୁହାଯାଇପାରେ, କାରଣ ଏହା ମୋଟର ଓ ଚକ ଦ୍ୱାରା ଚାଳିତ ।
ତେବେ ଏହା କେବଳ ଘରୋଇ ଇଲାକାରେ ବ୍ୟବହାର ପାଇଁ ବିକ୍ରି ହେଉଥିଲେ ହେଁ ଅଷ୍ଟ୍ରେଲିଆର ରାଜରାସ୍ତାରେ ଏବେ ଏହି ଟେବୁଲ ବହୁଳ ମାତ୍ରାରେ ବ୍ୟବହୃତ ହେଉଛି ।କିନ୍ତୁ ଏହାକୁ ସର୍ବସାଧାରଣଙ୍କ ପାଇଁ ଉଦ୍ଧିଷ୍ଟ ରାସ୍ତାରେ ଚଳାଇବା ବିପଦଜନ୍ନକ ହୋଇପାରେ । ସେପଟେ ଏହି ଟେବୁଲଟି ପ୍ରକୃତରେ ମୋଟରଯାନ ହୋଇନଥିବାରୁ ରାସ୍ତାରେ ଚଳାଚଳ ପାଇଁ ଅନୁମତି ମିଳିବା ଅନୁଚିତ ବୋଲି କେହି କେହି ମତ ମଧ୍ୟ ଦେଉଛନ୍ତି ।
ଅଷ୍ଟ୍ରେଲିଆରେ ଏହି ଯାନକୁ ବ୍ୟବହାର କରି ଯୁବକ ଯୁବତୀ ମାନେ ରାଜରାସ୍ତାରେ ମଦ୍ୟପାନ କରୁଥିବାରୁ ଏବେ ଏହା ପୋଲିସର ମୁଣ୍ଡବିନ୍ଧାର କାରଣ ପାଲଟିଛି ।
