ନୂଆଦିଲ୍ଲୀ (ଏଟିଆର ବ୍ୟୁରେ): କ୍ରିସମସ ପୂର୍ବରୁ ଗ୍ରାହକଙ୍କ ପାଇଁ ହାପି ନ୍ୟୁ ଇୟର ଅଫର୍ ଆଣିଲା ରିଲିଆନ୍ସ ଜିଓ । କମ୍ପାନୀ ପକ୍ଷରୁ ସ୍ମାର୍ଟଫୋନ୍ ଏବଂ ଜିଓଫୋନ୍ ଗ୍ରାହକଙ୍କ ପାଇଁ ଏହି ପ୍ଲାନ୍ ଜାରି କରାଯାଇଛି । ଏହି ପ୍ଲାନ୍ ଅନୁଯାୟୀ ଗ୍ରାହକ ଏବେ ଏକ ବର୍ଷ ପାଇଁ ଅନଲିମିଟେଡ୍ ସେବାର ଫାଇଦା ଉଠାଇ ପାରିବେ । ପ୍ଲାନ୍ ଟି ସୀମିତ ଅବଧି ପାଇଁ ରହିଛି ଏବଂ ଆଜିଠାରୁ ମାନେ ଡିସେମ୍ବର ୨୪ ଗ୍ରାହକଙ୍କ ପାଇଁ ଉପଲବ୍ଧ ହେବ ।
ରିଲିଆନ୍ସ ଜିଓ ପକ୍ଷରୁ ଜାରି କରାଯାଇଥିବା ବୟାନ ଅନୁସାରେ, ‘୨୦୨୦ ହ୍ୟାପି ନ୍ୟୁ ଇୟର ଅଫର୍’ ଅନ୍ତର୍ଗତ ସ୍ମାର୍ଟଫୋନ୍ ଗ୍ରାହକ କେବଳ ୨୦୨୦ ଟଙ୍କା ଦେଇ ଏକ ବର୍ଷ ପାଇଁ ଅନଲିମିଟେଡ୍ ସେବାର ଲାଭ ଉଠାଇ ପାରିବେ । ଏହି ପ୍ଲାନ୍ ରେ ଗ୍ରାହକଙ୍କୁ ଅନଲିମିଟେଡ୍ ଭଏସ କଲ, ନିୟମିତ ୧.୫ ଜିବି ହାଇସ୍ପିଡ୍ ଡାଟା, ଏସଏମଏସ ଏବଂ ଜିଓ ଆପ୍ସର ସେବା ମିଳିବ । ଏଥିରେ ଏକ ସର୍ତ୍ତ ମଧ୍ୟ ରହିଛି ଅନ୍ୟ ନେଟୱାର୍କକୁ କଲ କରିବା ପାଇଁ ଏଫୟୁପିି ମାନେ ଫେୟାର ୟୁଜେସ୍ ପଲିସ୍ ଲାଗୁ କରାଯିବ । ଏହି ପ୍ଲାନର ଅବଧି ୩୬୫ ଦିନ ପାଇଁ ରହିଛି ।
କମ୍ପାନୀ ଅନୁସାରେ, ଜିଓ ଫୋନ୍ ଗ୍ରାହକଙ୍କୁ ୨୦୨୦ ନ୍ୟୁ ଇୟର ପ୍ଲାନ୍ ରେ ଜବରଦସ୍ତ ଫାଇଦା ମିଳିବ । ୨୦୨୦ ଟଙ୍କାରେ ଏକ ଜିଓ ଫୋନ୍ ମିଳିବ । ଏହାସହିତ ଏହି ପ୍ଲାନ୍ ରେ ଗ୍ରାହକଙ୍କୁ ନିୟମିତ ୦.୫ ଜିବି ଡାଟା, ଅନଲିମିଟେଡ୍ ଭଏସ୍ କଲିଂ, ଏସଏମଏସ ଏବଂ ଆପ୍ସର ସୁବିଧା ମିଳିବ ।
