ଭୁବନେଶ୍ୱର(ଏଟିଆର ବ୍ୟୁରୋ): ପୁଣି ଲେଉଟିବ ବର୍ଷା । ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ଏହି ସୂଚନା ମିଳିଛି । ପାଣିପାଗ କେନ୍ଦ୍ରର ଡ୍ୟୁଟି ଅଫିସର ଚରଣ ବେହେରାଙ୍କ ସୂଚନା ଅନୁସାରେ ଆସନ୍ତା ୮ ଓ ୯ ତାରିଖରେ ରାଜ୍ୟର କିଛି ଜାଗାରେ ବର୍ଷା ହେଇପାରେ । ଆସନ୍ତା ୮ ଓ ୯ ତାରିଖରେ ବର୍ଷା ସମ୍ଭାବନାକୁ ନେଇ ସତର୍କ ସୂଚନା ଜାରି କରିଛି ପାଣିପାଗ ବିଭାଗ । ୮ ତାରିଖ ଦିନ କେନ୍ଦୁଝର, ସୁନ୍ଦରଗଡ, ଝାଡସୁଗୁଡା, ସମ୍ବଲପୁର, ବରଗଡ ଓ ନୂଆପଡାରେ ବର୍ଷା ହେବ ।
ସେହିପରି ୯ ତାରିଖ ଦିନ କିଛି ଜାଗାରେ ସାମାନ୍ୟ ବର୍ଷା ହୋଇପାରେ । ବର୍ଷା ଛାଡିବା ପରେ ପାରଦ ଖସିବା ସହ ଶୀତ ଅନୁଭୂତ ହେବ । ତେବେ ଗତକାଲି ସୋନପୁର ଠାରେ ସବୁଠାରୁ କମ ତାପମାତ୍ରା ରେକର୍ଡ କରାଯାଇଛି । ସେଠାରେ ସର୍ବନିମ୍ନ ତାପମାତ୍ରା ୭.୫ ଡିଗ୍ରୀ ରହିଛି । ସେହିପରି ଆଜି ସକାଳେ ରାଜ୍ୟର କିଛି ଜାଗାରେ ଘନ କୁହୁଡି ଦେଖିବାକୁ ମିଳିଛି ।
