ଭୁବନେଶ୍ୱର(ଏଟିଆର ବ୍ୟୁରୋ): ବିଗତ କିଛି ଦିନ ହେବ ଓଲିଉଡ଼ ସୁପରଷ୍ଟାର ତଥା ସାଂସଦ ଅନୁଭବ ମହାନ୍ତିଙ୍କ ପାଇଁ ଖରାପ ସମୟ ଚାଲିଥିବା ଦେଖିବାକୁ ମିଳିଛି । ଗୋଟେ ପଟେ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ସହ ତାଙ୍କର ମତଭେଦ ପାଇଁ ଶୋସିଆଲ ମିଡିଆରେ ହଟହଟା ହେବାକୁ ପଡିଥିଲା । ଯାହା ତାଙ୍କ ଫ୍ୟାନସଙ୍କ ମଧ୍ୟରେ ଅଶନ୍ତୋଷ ଦେଖା ଦେଇଥିଲା । ହେଲେ ଦମ୍ପତିଙ୍କ ମଧ୍ୟ ସେମିତି କିଛି ମନାନ୍ତର ନାହିଁ ବୋଲି ସେମାନେ ଶୋସିଆଲ ମିଡିଆରେ ସ୍ପଷ୍ଟ କରିଥିଲେ ।
କିନ୍ତୁ ଗତକାଲି ପୁଣି ଅନୁଭବଙ୍କ ସହ ଏକ ଘଟଣା ଘଟିଛି । ରାଜଧାନୀରେ ଏକ ସୁଟିଂ ସେଟରେ ସେ ଆହତ ହୋଇଛନ୍ତି । ତାଙ୍କର ଆଗାମୀ ଫିଲ୍ମ ‘ପ୍ରେମ କୁମାର’ର ସୁଟିଂର ଏକ ଆକ୍ସନ ସିନ୍ କରୁଥିବା ବେଳେ ସେ ନିୟନ୍ତ୍ରଣ ହରାଇ ତଳକୁ ଖସିପଡିଥିବା ଶୁଣିବାକୁ ମିଳୁଛି । ଚିକିତ୍ସା ଲାଗି ତାଙ୍କୁ ସ୍ଥାନୀୟ ହସ୍ପିଟାଲରେ ଭର୍ତି କରାଯାଇଥିଲା । ଏହି ଘଟଣାଟି ଫ୍ୟାନସଙ୍କ ମନରେ ଦୁଃଖ ଆଣିଦେଇଥିବା ଚର୍ଚ୍ଚା ହେଉଛି । ସମସ୍ତେ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
ଚିକିତ୍ସାଧୀନ ଥିବା ଅବସ୍ଥାରେ ଅନୁଭବ ତାଙ୍କ ଫ୍ୟାନସମାନଙ୍କୁ କହିଛନ୍ତି ଯେ, ତାଙ୍କ ସ୍ୱାସ୍ଥ୍ୟବସ୍ଥା ଠିକ୍ ଅଛି । ସେ ଖୁବ ଶୀଘ୍ର ସୁଟିଂ ସେଟକୁ ଫେରି ସୁଟିଂ ଆରମ୍ଭ କରିବେ । ରଜ ଅବସରରେ ଆସିବାକୁ ଥିବା ଫିଲ୍ମ ‘ପ୍ରେମ କୁମାର’ରେ ଅନୁଭବ ବକ୍ସ ଅଫିସରେ ଧମାଲ କରିବେ ବୋଲି ମତ ପ୍ରକାଶ କରିଛନ୍ତି ।
