ବ୍ରହ୍ମପୁର(ଏଟିଆର ବ୍ୟୁରୋ): ଏବେ ଅଧିକାଂଶ ଯୁବପୀଢି ଟିକଟକ ପ୍ରେମରେ । ସୁନ୍ଦର ସୁନ୍ଦର ଗୀତ ହେଉ ବା ଲୋକପ୍ରିୟ ସଂଳାପ ଏସବୁଥିରେ ମିମିକ୍ରି କରିବାରେ ବ୍ୟସ୍ତ । ମାତ୍ର ଅନେକ ସମୟରେ ଟିକଟକ ନିଶାରେ ସାମାନ୍ୟ ଅନ୍ୟମନସ୍କତା ପାଇଁ ଚାଲଇଯାଉଛି ମୂଲ୍ୟବାନ ଜୀବନ । ଏମିତି ଅନେକ ଘଟଣା ସାମ୍ନାକୁ ଆସୁଥିଲେ ମଧ୍ୟ ଏହାର କିଛି ପ୍ରଭାବ ପଡୁନାହିଁ ଟିକଟକ ପ୍ରେମୀଙ୍କ ଉପରେ । ପୁଣି ସେମିତି ଏକ ଦୁର୍ଘଟଣା ଏବେ ବ୍ରହ୍ମପୁରରେ ଦେଖିବାକୁ ମିଳିଛି ।
ସୂଚନା ଅନୁସାରେ ଗଞ୍ଜାମ ଜିଲ୍ଲାର ହଳଦିଆପଦର ଭିଣୋଇ ଶିବଶଙ୍କର ସାହୁ ଏବଂ ଶଳା ଶିବ ପାତ୍ର ତାରାତାରିଣୀ ଯାଉଥିବା ବେଳେ ବାଟରେ ଗାଡି ଚଳାଇବା ଅବସ୍ଥାରେ ଟିକଟକ କରୁଥିବା ବେଳେ ଅନ୍ୟମନସ୍କ ଭାବେ ଏକ ଚଳନ୍ତା ଟ୍ରକକୁ ଧକ୍କା ଦେଇଛନ୍ତି । ଯାହା ଫଳରେ ଭିଣୋଇଙ୍କର ମୃତ୍ୟୁ ହୋଇଥିବା ବେଳେ ଶଳାର ମୃତ୍ୟୁ ହୋଇଛି । ଏହି ରାସ୍ତାରେ ଯାଉଥିବା ବେଳେ ତାଙ୍କର ସୁଟିଂ ହୋଇଥିବା ଭିଡିଓ ଶୋସାଲ ମିଡିଆରେ ଭାଇରାଲ ହେବା ପରେ ଟିକଟକ ପାଇଁ ତାଙ୍କ ଜୀବନ ଯାଇଥିବା କୁହାଯାଉଛି । ମାତ୍ର ଦୁର୍ଘଟଣାର ପ୍ରକୃତ କାରଣ ପୋଲିସ ସ୍ପଷ୍ଟ କରିନାହିଁ ।
