ଭୁବନେଶ୍ୱର(ଏଟିଆର ବ୍ୟୁରୋ): ଆଜିଠାରୁ କଳିଙ୍ଗ ଷ୍ଟାଡିଅମ ରେ ଆରମ୍ଭ ହୋଇଛି ସ୍ପୋର୍ଟ୍ସ ଇନୋଭେସନ ଫେଷ୍ଟିଭାଲ । ଏହି ଉତ୍ସବକୁ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ଉଦଘାଟନ କରିଛନ୍ତି ।
ଆମର ଜାତୀୟ କ୍ରୀଡା ହକିକୁ ଓଡ଼ିଶାରେ ଥିବା ହକି ଖେଳାଳୀଙ୍କ ଦ୍ୱାରା ହକି ମ୍ୟାଚକୁ ଉନ୍ନତ କରିବାକୁ ରାଜ୍ୟ ସରକାରଙ୍କ ପକ୍ଷରୁ ଏପରି ପ୍ରୟାସ କରାଯାଇଛି ।
ତେବେ ଏହି ଉତ୍ସବର ଶୁଭାରମ୍ଭ ଉତ୍ସବରେ ହକି ପ୍ରମୋସନ ଅଧ୍ୟକ୍ଷ ଦିଲ୍ଲୀପ ତିର୍କୀ, ହକି ଇଣ୍ଡିଆ ସିଇଓ ଏଲିନା ନର୍ମାନ ପ୍ରମୁଖ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ଉତ୍ସବକୁ ଉଦଘାଟନ କରି ଅତିଥିମାନଙ୍କୁ ସମ୍ବୋଦ୍ଧିତ କରିବା ସହିତ ରାଜ୍ୟ ସରକାର କିପରି ଏହି କାର୍ଯ୍ୟକ୍ରମ ମାଧ୍ୟମରେ ଓଡ଼ିଶାର ହକି ଖେଳାଳୀ ମାନଙ୍କୁ ଉତ୍ସାହିତ କରୁଛନ୍ତି ସେ ବିଷୟରେ କହିଛନ୍ତି ।
