ବାଲେଶ୍ୱର (ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣା । ପିକନିକ୍ ବସ୍ କୁ ପିଟିଲା ଗୋରୁ ବୋଝେଇ ଟ୍ରକ । ଜଳେଶ୍ୱର ଥାନା ୬୦ ନମ୍ବର ଜାତୀୟ ରାଜପଥ ନନ୍ଦିକା ଛକ ନିକଟରେ ଏହି ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୭ ଜଣ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତଙ୍କୁ ଚିକିତ୍ସା କରିବା ଲାଗି ଜଳେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଛି ।
ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଛି । ବସ୍ ଟି କଟକରୁ ଯାତ୍ରୀଙ୍କୁ ନେଇ କୋଲାକାତା ଯାଉଥିବା ସମୟରେ ଜଳେଶ୍ୱରର ନନ୍ଦିକା ଛକ ନିକଟରେ ଏକ ଗୋରୁ ବୋଝେଇ ଟ୍ରକ୍ ଆସି ବସ୍ କୁ ଧକ୍କା ଦେଇଥିଲା । ଟ୍ରକ୍ ଟିର ବେଗ ଦ୍ରୁତ ଥିବା ଯୋଗୁଁ ଏହି ଦୁର୍ଘଟଣା ହୋଇଥିବା ଜଣାପଡିଛି । ଦୁର୍ଘଟଣା ପରେ ଟ୍ରକ୍ ର ଡ୍ରାଇଭର ଏବଂ ହେଲପର୍ ହୋଇଯାଇଛନ୍ତି ।
