ଭୁବନେଶ୍ୱର (ଏଟିଆର ବ୍ୟୁରୋ): ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ବରଗଡ ଗ୍ରସ୍ତ କରିଛନ୍ତି । ଏହି ଗ୍ରସ୍ତ ସମୟରେ ମୁ୍ଖ୍ୟମନ୍ତ୍ରୀ ବଡ ଘୋଷଣା କରିଛନ୍ତି । ବରଗଡରେ ନିର୍ମାଣ ହେବ କ୍ୟାନ୍ସର ହସ୍ପିଟାଲ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ବରଗଡ ଗସ୍ତ ରେ ଥିବା ବେଳେ ବରଗଡରେ କ୍ୟାସର ହସ୍ପିଟାଲ ପ୍ରତିଷ୍ଠା ହେବ ବୋଲି ଘୋଷଣା କରିଛନ୍ତି । ସୂଚନାନୁଯାୟୀ , ମୁଖ୍ୟମନ୍ତ୍ରୀ ଦିନ ୧୨ଟା ସମୟରେ ଜାମାରପାଲୀ ଏଆର ଷ୍ଟ୍ରିପରେ ପହଞ୍ଚିଥିଲେ । ସେଠାରୁ ମଂଦଳିଆ ପଡିଆରେ ପହଞ୍ଚି ସାରିବା ପରେ ବରଗଡରେ ୭୦କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ କରିଥିଲେ ।
ଏହା ସହ ବରଗଡରେ ଏକ ସାଇନ୍ସ ପାର୍କର ମଧ୍ୟ ଉଦଘାଟନ କରିଥିଲେ । ଏହାସହ ୬୦ କୋଟି ଟଙ୍କା ବ୍ୟୟରେ ନିର୍ମିତ ହେବାକୁ ଥିବା ୨୨ଟି ପ୍ରକଳ୍ପର ଶିଳାନ୍ୟାସ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବରଗଡ ଜିଲ୍ଲା ମୁଖ୍ୟ ଚିକିତ୍ସାଳୟର ୬ମହଲା ବିଶିଷ୍ଟ ନୂତନ କୋଠାର ଉଦଘାଟନ କରିଥିବା ବେଳେ ମୁଖ୍ୟମନ୍ତ୍ରୀ ବରଗଡରେ କ୍ୟାନ୍ସର ହସ୍ପିଟାଲ ପ୍ରତିଷ୍ଠା କରାଯିବା ନେଇ ଘୋଷଣା କରିଥିଲେ । ଏତତ୍ ବ୍ୟତିତ ବରଗଡ଼ର ଏକ ହାଇଲେବୁଲ ସେତୁ, ବିଜେପୁରରେ ଆଇସିଆଇସି ବ୍ୟାଙ୍କର ୧୫୦ତମ ଶାଖା, ଜିଲ୍ଲା ବିଜ୍ଞାନ କେନ୍ଦ୍ର ମଦ୍ୟ ଉଦ୍ଘାଟନ କରିଛନ୍ତି ମୁଖ୍ୟମନ୍ତ୍ରୀ ।
