ନୂଆଦିଲ୍ଲୀ ( ଏଟିଆର ବ୍ୟୁରୋ): ଜାତୀୟ ଗଶମାଧ୍ୟମ ସଂସ୍ଥା ଇଣ୍ଡିଆ ଟୁଡେର ସର୍ଭେ ପୋଲରେ ସର୍ବଶ୍ରେଷ୍ଠ ମୁଖ୍ୟମନ୍ତ୍ରୀ ଭାବେ ଜନତା ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କୁ ପସନ୍ଦ କରିଥିବା ବେଳେ ଶ୍ରେଷ୍ଠ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦିଙ୍କୁ ପସନ୍ଦ କରିଛନ୍ତି । ଏଇ ନିକଟରେ ଇଣ୍ଡିଆ ଟୁଡେ ପକ୍ଷରୁ ହୋଇଥିବା ଏକ ସର୍ଭେରୁ ଏହି ତଥ୍ୟ ସାମ୍ନାକୁ ଆସିଛି । ସବୁଠାରୁ ବଡ କଥା ହେଉଛି ୟୁପିର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଦ୍ୱିତୀୟ ଥର ପାଇଁ ଏହି ସଫଳତା ପାଇଛନ୍ତି ।
ସେହିଭଳି ଯୋଗୀଙ୍କ ତଳକୁ ଦ୍ୱିତୀୟରେ ଅଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜି । ଯୋଗୀଙ୍କୁ ୧୮ ପ୍ରତିଶତ ଭୋଟ ମିଳିଛି । ସେହିଭଳି ମମତା ଓ କେଜ୍ରିୱାଲଙ୍କୁ ୧୧ ପ୍ରତିଶତ ଲେଖାଏଁ ଭୋଟ ମିଳିଛି । ମୁଖ୍ୟମନ୍ତ୍ରୀ ନିତିଶ କୁମାର ତୃତୀୟ ସ୍ଥାନରେ ରହିଥିବା ବେଳେ ଚତୁର୍ଥ ସ୍ଥାନରେ ରହିଛନ୍ତି ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶ୍ରେଷ୍ଠ ପ୍ରଧାନମନ୍ତ୍ରୀ ତାଲିକାରେ ମୋଦି ଶ୍ରେଷ୍ଠ ପ୍ରଧାନମନ୍ତ୍ରୀ ହୋଇଥିବା ବେଳେ ତାଙ୍କ ପଛକୁ ଅଛନ୍ତି ଇନ୍ଦିରା ଗାନ୍ଧୀଙ୍କ ନାମ ରହିଛି ସେହିଭଳି ତାଙ୍କ ଫଛକୁ ରହିଛନ୍ତି ଅଟଳ ବିହାରୀ ବାଜପେୟୀ ଏବଂ ଜବାହାରଲାଲ ନେହେରୁ । ମୋଦିଙ୍କୁ ୩୪ ପ୍ରତିଶତ ଭୋଟ ମିଳିଥିବା ବେଳେ ଇନ୍ଦିରାଙ୍କୁ ୧୬ ପ୍ରତିଶତ ଲୋକ ପସନ୍ଦ କରିଛନ୍ତି ।
