ନୂଆଦିଲ୍ଲୀ(ଏଟିଆର ବ୍ୟୁରୋ): ଦିଲ୍ଲୀ ନିର୍ବାଚନ ପାଇଁ ଆଜି କଂଗ୍ରେସ ନିଜ ଘୋଷଣା ପତ୍ର ଜାରି କରିଛି । କଂଗ୍ରେସର ଦିଲ୍ଲୀ ପ୍ରାଦେଶ ଅଧକ୍ଷ୍ୟ ସୁଭାସ ଚୋପଡା, ଆନନ୍ଦ ଶର୍ମା, ଅଜୟ ମାକନ ଏହି ଘୋଷଣା ପତ୍ର ଜାରି କରିଛନ୍ତି ।
ଦିଲ୍ଲୀ ନିର୍ବାଚନକୁ ନେଇ ଏପର୍ଯ୍ୟନ୍ତ ଶାନ୍ତ ଥିବା କଂଗ୍ରେସ ନିଜ ଘୋଷଣା ପତ୍ରରେ ଅନେକ ବଡ ବଡ ଘୋଷଣା କରିଛି । ଦିଲ୍ଲୀରେ କଂଗ୍ରେସ ଜିତିଲେ ଏଏମସ୍ ଭଳି ଆହୁରି ପାଞ୍ଚଟି ହସ୍ପିଟାଲ ନିର୍ମାଣ କରିବା ପାଇଁ ଘୋଷଣା କରିଛି । ଏଥି ସହିତ ମହିଳା ମାନଙ୍କୁ ପିଏଚଡି ପର୍ଯ୍ୟନ୍ତ ମାଗଣା ଶିକ୍ଷା ଯୋଗାଇ ଦେବ ବୋଲି କଂଗ୍ରେସ ପ୍ରତିଶୃତି ଦେଇଛି ।
ଆହୁରି ମଧ୍ୟ ଦିଲ୍ଲୀରେ ୩୦୦ ୟୁନିଟ ପର୍ଯ୍ୟନ୍ତ ମାଗଣା ବିଜୁଳି, ୨୦ହଜାର ଲିଟର ପର୍ଯ୍ୟନ୍ତ ମାଗଣା ପାନୀୟ ଜଳ, ସରକାରୀ ଚାକିରୀ ରେ ୩୩ପ୍ରତିଶତ ମହିଳାଙ୍କ ପାଇଁ ସଂରକ୍ଷଣ, କିନ୍ନର ମାନଙ୍କ ପାଇଁ ଶିଲା ଯୋଜନାରେ ୫୦୦୦ ଟଙ୍କା ପ୍ରତି ମାସ ଦେବାକୁ କଂଗ୍ରେସ ନିଜ ଘୋଷଣା ପତ୍ର ଜରିଆରେ ଦିଲ୍ଲୀ ବାସୀଙ୍କୁ ଭୋଟ ଦେବା ପାଇଁ ଆକୃଷ୍ଟ କରୁଛି ।
