ନୂଆଦିଲ୍ଲୀ(ଏଟିଆର ବ୍ୟୁରୋ): ଛତିଶଗଡ ବସ୍ତର ଅଞ୍ଚଳରେ ନକ୍ସଲ ଓ ସିଆରପିଏଫ କୋବରା ବାଟାଲିଅନ ଯବାନଙ୍କ ମଧ୍ୟରେ ଗୁଳିବିନିମୟ ହୋଇଛି । ଫଳରେ ଦୁଇ ଯବାନ ସହିଦ ହୋଇଛନ୍ତି । ଏହା ସହ ଅନ୍ୟ ଚାରି ଜଣ ଯବାନ ଗୁରୁତର ଆହତ ହୋଇଛନ୍ତି । ଏହି ଗୁଳିବିନିମୟରେ ଜଣେ ନକ୍ସଲ ନିହତ ହୋଇଥିବାର ଜଣାପଡିଛି । ସିଆରପିଏଫ ଅଧିକାରୀଙ୍କ କହିବା ଅନୁସାରେ ଛତିଶଗଡ ବସ୍ତର ଡିଭିଜନର ବୀଜାପୁର ଓ ସୁକମା ଜିଲ୍ଲା ସୀମା ସ୍ଥିତ ଇରାପଲ୍ଲୀ ଗ୍ରାମରେ ଆଜି ସକାଳେ ଏହି ଗୁଳିବିନିମୟ ଆରମ୍ଭ ହୋଇଥିଲା ।
#UPDATE Chhattisgarh: Two CoBRA personnel of 204 battalion have lost their lives in the encounter with naxals at Irapalli village in Bijapur district. https://t.co/jFb2zHaKIb
— ANI (@ANI) February 10, 2020
ଯବାନ ମାନେ ନକ୍ସଲ ବିରୋଧରେ ଅଭିଯାନ ଚଳାଇଥିବା ବେଳେ ନକ୍ସଲ ମାନେ ଗୁଳି ଚଳାଇଥିଲେ । ଫଳରେ ସିଆରପିଏଫର କୋବର ୨୦୪ ବାଟାଲିଅନର ଯବାନ ମାନେ ପାଲଟା ଗୁଳି ଚଲାଇଥିଲେ । ଏବେ ମଧ୍ୟ ବସ୍ତର ଅଞ୍ଚଳରେ ଯବାନ ମାନେ ନକ୍ସଲ ବିରୋଧ ଅଭିଯାନ ଜାରି ରଖିଥିବାର ସୂଚନା ମିଳିଛି । ଆହତ ଯବାନ ମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
