ଝାରସୁଗୁଡା(ଏଟିଆର ବ୍ୟୁରୋ): ବିଜେଡି ନେତା ତଥା ପୂର୍ବତନ ବିଧାୟକ ଅନୁପ ସାଏ ଗିରଫ ହୋଇଥିବା ସୂଚନା ମିଳିଛି । ଛତିଶଗଡ ରାୟଗଡା ପୋଲିସ ଏକ ହତ୍ୟା ମାମଲାରେ ଅନୁପ ସାଏଙ୍କୁ ଉଠାଇ ନେଇଛି । ଗତକାଲି ରାତିରେ ଅନୁପଙ୍କୁ ହତ୍ୟା ମାମଲାରେ ଛତିଶଗଡ ଉଠାଇ ନେଇଛି । ବର୍ତ୍ତମାନ ଛତିଶଗଡ ପୋଲିସ ଅନୁପଙ୍କୁ ରାୟଗଡା ଜିଲ୍ଲାର ଚକ୍ରଧରନଗର ଥାନାରେ ଅଟକ ରଖି ପଚରାଉଚରା କରୁଛି ।
ଅନୁପ ବ୍ରଜରାଜନଗର ନିର୍ବାଚନ ମଣ୍ଡଳୀରୁ ତିନି ଥର କଂଗ୍ରେସରୁ ଟିକଟ ପାଇ ବିଧାୟକ ହୋଇଥିଲେ । ୨୦୧୪ରେ ଅନୁପ କଂଗ୍ରେସ ଛାଡି ବିଜେଡିରେ ଯୋଗ ଦେଇଥିଲେ । ବର୍ତ୍ତମାନ ଅନୁପ ପଣ୍ୟଗାର ନିଗମର ଅଧ୍ୟକ୍ଷ ଭାବେ କାର୍ଯ୍ୟଭାର ସମ୍ଭାଳୁଛନ୍ତି । ତେବେ କେଉଁ ହତ୍ୟାକାଣ୍ଡ ଘଟଣାରେ ଅନୁପଙ୍କୁ ପଚରାଉଚରା କରାଯାଉଛି ତାହା ଜଣାପଡିନାହିଁ ।
