ନୂଆଦିଲ୍ଲୀ ( ଏଟିଆର ବ୍ୟୁରୋ): ଆସନ୍ତା ଫେବୃଆରୀ ୨୬ ରେ ୨ ଦିନିଆ ଭାରତ ଗସ୍ତରେ ଆସିବେ ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏହି ଅବସରରେ କେନ୍ଦ୍ର ସରକାରଙ୍କ ପକ୍ଷରୁ ପ୍ରସ୍ତୁତି ପର୍ବ ଯୋରଦାର ଚାଲିଛି । ସୁରକ୍ଷା ବ୍ୟବସ୍ଥା ଠାରୁ ଆରମ୍ଭ କରି ସବୁକିଛି । ତେବେ ଏକ ବଶେଷ ସୂତ୍ରରୁ ଜଣା ପଡିଛି ଟ୍ରମ୍ପଙ୍କ ଏହି ଗସ୍ତ କାଳରେ ଅହମ୍ମଦାବାଦରେ ହେବାକୁ ଥିବା କାର୍ଯ୍ୟକ୍ରମରେ ବଲିଉଡର ବହୁ କଳାକାର ଯୋଗଦେବେ । ଏନେଇ ସରକାରଙ୍କ ପକ୍ଷରୁ ନିମନ୍ତ୍ରଣ ମଧ୍ୟ କରାଯାଇଛି ।
ଯେଉଁଥିରେ ବିଗବିଙ୍କ ଭଳି ବହୁ ବଡବଡ କଳାକାରଙ୍କ ନାମ ସାମିଲ ରହିଛି । ସୂଚନାଯୋଗ୍ୟ ଏହି ଗସ୍ତକାଳରେ ଟ୍ରମ୍ପଙ୍କ ସୁରକ୍ଷା ପାଇଁ ଆମେରିକାରୁ ହର୍କ୍ୟୁଲେସ ବିମାନ ପହଞ୍ଚିଛି । ଯେଉଁଥିରେ ୨୦୦ ସ୍ନାଇପର ଆସିଛନ୍ତି । ଯେଉଁମାନେ ଏଠାରେ ରହି ଏବେ ସୁରକ୍ଷା ବଳୟ ତିଆରି କରିଛନ୍ତି ।ଏହି ସ୍ନାଇପର ମାନେ ଏକ ସ୍ୱତନ୍ତ୍ର କଣ୍ଟ୍ରୋଲ ରୁମ ସ୍ଥାପନ କରିଛନ୍ତି । ଆମେରିକାରୁ ଆସିଥିବା ସ୍ନାଇପର ମାନେ ଏଠାରେ ଭାରତୀୟ ସୁରକ୍ଷା ଏଜେନ୍ସି ଓ ଅହମ୍ମଦାବାଦ ପୋଲିସ ସହିତ ସମନ୍ୱୟ ରକ୍ଷା କରି କାର୍ୟ୍ୟ କରିବେ ।
