ହାଇଦ୍ରାବାଦ (ଏଟିଆର ବ୍ୟୁରୋ): ଆଜି ଓଡିଆ କ୍ରିକେଟର ପ୍ରଜ୍ଞାନ ଓଝା କ୍ରିକେଟ ଜଗତର ସମସ୍ତ ଫର୍ମାଟରୁ ନିଜର ଅବସର ଘୋଷଣା କରିଛନ୍ତି । ଏନେଇ ନିଜ ସୋସିଆଲ ମିଡିଆ ଆକାଉଣ୍ଟ ଟ୍ୱିଇଟର ଜରିଆରେ ପ୍ରଜ୍ଞାନ ନିଜର ଅବସର ଘୋଷଣା କରିଛନ୍ତି । ସେ ଭିଭିଏସ ଲକ୍ଷ୍ମଣ , ଭେଙ୍କଟପତି ରାଜୁ ଓ ମହେନ୍ଦ୍ର ସିଂ ଧୋନିଙ୍କୁ ନିଜର କୃତଜ୍ଞତା ମଧ୍ୟ ଜ୍ଞାପନ କରିଛନ୍ତି । ପ୍ରଜ୍ଞାନ ବିଗତ ୧୪ବର୍ଷ ଧରି ହାଇଦ୍ରାବାଦ କ୍ରିକେଟ ଆସୋସିଏସନ ପାଇଁ କ୍ରିକେଟ ଖେଳିଥିଲେ । ଏହାଛଡା ଆନ୍ତର୍ଜାତୀୟ କ୍ରିକେଟରେ ଭାରତ ପାଇଁ ୨୪ଟି ଟେଷ୍ଟ ମ୍ୟାଚ ଖେଳି ୧୧୩ଟି ୱିକେଟ ଆସିଲ କରିଥିଲେ ।
It’s time I move on to the next phase of my life. The love and support of each and every individual will always remain with me and motivate me all the time 🙏🏼 pic.twitter.com/WoK0WfnCR7
— Pragyan Ojha (@pragyanojha) February 21, 2020
ସେହିପରି ୧୮ଟି ଦିନିକିଆ ମ୍ୟାଚ ଖେଳି ୨୧ଟି ୱିକେଟ ଅକ୍ତିଆର କରିଥିଲେ ପ୍ରଜ୍ଞାନ । ଏହାଛଡା ଆଇପିଏଲରେ ମଧ୍ୟ ସେ ନିଜର ଜବରଦସ୍ତ ପ୍ରଦର୍ଶନ ଦେଖାଇବା ସହ ୯୨ଟି ଆଇପିଏଲ ମ୍ୟାଚରୁ ୮୯ଟି ୱିକେଟ ଅକ୍ତିଆର କରିଛନ୍ତି । ପ୍ରଜ୍ଞାନ ଆଇପିଏଲରେ ଡେକାନ ଚାର୍ଜସ ଓ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଛନ୍ତି । ଏଥିସହ ଇଂଲଣ୍ଡର କାଉଣ୍ଟି କ୍ଳବ ସରେ ପାଇଁ ମଧ୍ୟ ଖେଳିଥିଲେ ପ୍ରଜ୍ଞାନ ।
