ଭୁବନେଶ୍ୱର ( ଏଟିଆର ବ୍ୟୁରୋ): ଆସନ୍ତକାଲି ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ଭୁବନେଶ୍ୱର ଜନତା ମୈଦାନରେ ହେବାକୁ ଥିବା ସିଏଏ ସପକ୍ଷରେ ହେବାକୁ ଥିବା ବୈଠକରେ ଯୋଗଦେବେ । ଅମିତ ଶାହା ୨ ଦିନିଆ ଓଡିଶା ଗସ୍ତରେ ଆସୁଛନ୍ତି । ଏହି ଅବସରରେ ରାଜ୍ୟ ବିଜେପି ପକ୍ଷରୁ ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ଗତକାଲି ଠାରୁ ଏନେଇ ସ୍ୱତନ୍ତ୍ର ପ୍ରଚାର ଗାଡି ମଧ୍ୟ ଓଡିଶାର ବିଭିନ୍ନ ଜିଲ୍ଲାରେ ବୁଲିବା ଆରମ୍ଭ କରି ଦେଇଛି । ସେହିଭଳି ଭୁବନେଶ୍ୱର ଜୟଦେବ ବିହାର ରୋଡରେ ଅମିତଙ୍କ ବଡବଡ ହୋଡିଙ୍ଗରେ ସୁସଜ୍ଜିତ କରାଯାଇଛି ।
ସୂଚନା ଅନୁସାରେ ଆସନ୍ତା କାଲି ସକାଳ ୧୦ ଟା ୧୦ ରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ ଶାହା । ଅପରାହ୍ନ ୨ ଟା ୩୦ ରେ ଜନତା ମୈଦାନରେ ସିଏଏ ସପକ୍ଷ ବୈଠକରେ ଜନତାଙ୍କୁ ଉଦବୋଧନ ଦେବେ ଶାହା । ସେହିଭଳି ସନ୍ଧ୍ୟାରେ ମେ ଫେୟାରରେ ଦଳୀୟ ନେତାଙ୍କ ସହିତ ଏକ ସ୍ୱତନ୍ତ୍ର ବୈଠକ ଅନୁଷ୍ଠିତ ହେବ । ଯେଉଁଥିରେ କିଛି ଗୁରୁତ୍ୱପୂର୍ଣ୍ଣ ପ୍ରସଙ୍ଗକୁ ନେଇ ଆଲୋଚନା ହୋଇପାରେ । ଏଥିରେ ସବୁ ବିଧାୟକ ଓ ନେତା ଓ ଜିଲ୍ଲା ପରିଷଦ ମାନେ ଯୋଗଦେବାର କାର୍ଯ୍ୟକ୍ରମ ରହିଛି । ସେହିଭଳି ୨୯ ତାରିଖରେ ପୁରୀ ଯାଇ ଶ୍ରୀଜୀଉଙ୍କୁ ଦର୍ଶନ କରିବା ସହ ଭୁବନେଶ୍ୱରରେ ଲିଙ୍ଗରାଜଙ୍କୁ ଦର୍ଶନ କରିବେ । ଅପରାହ୍ନରେ ପୁଣି ଦିଲ୍ଲୀ ଫେରିଯିବେ ।
