ଚାନ୍ଦବାଲି (ଏଟିଆର ବ୍ୟୁରୋ): ଧାମରା ବନ୍ଦରରେ ଘଟିଲା ଅଘଟଣ । ଗତକାଲି ବିଳମ୍ବିତ ରାତିରେ ଧାମରା ବନ୍ଦରର ନୂଆ ଟର୍ମିନାଲରେ ଅଗ୍ନିକାଣ୍ଡ ଘଟିଛି । ସୂଚନାନୁଯାୟୀ ଗତକାଲି ଭଦ୍ରକ ଜିଲ୍ଲାର ଧାମରା ବନ୍ଦରରେ ଟର୍ମିନାଲରେ ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିଲା । ଏହି ଅଗ୍ନିକାଣ୍ଡଟି ଧାମରା ବନ୍ଦରରେ ନବ ବିର୍ମାଣ ହୋଇଥିବା ଗ୍ୟାସ ଟର୍ମିନାଲ କନଷ୍ଟ୍ରକ୍ସନ ସାଇଟରେ ଘଟିଛି । ତେବେ ବନ୍ଦରର ନୂଆ ଟର୍ମିନାଲରେ ନିଆଁ ଲାଗିଯିବା ଫଳରେ ବନ୍ଦରରେ ଗଚ୍ଛିତ ଥିବା ସ୍ଲାବ ସମେତ ଅନ୍ୟାନ୍ୟ ସାମଗ୍ରୀ ପୋଡିଯାଇଥିବା ସୂଚନା ମିଳୁଛି ।
ନିଆଁ ଲାଗି ଯାଇଥିବାର ଖବର ମିଳିବା ପରେ ଘଟଣାସ୍ଥଳରେ ଅଗ୍ନିଶମ କର୍ମଚାରୀମାନେ ପହଞ୍ଚି ନିଆଁକୁ ଆୟତ କରିଥିଲେ । ଧାମରାର ୨ଟି ଅଗ୍ନିଶମ ଗାଡି ଓ ଧାମରା ପୋର୍ଟ ଅଗ୍ନିଶମ ବିଭାଗ ଗାଡି ଆସି ନିଆଁକୁ ଆୟତ କରିଥିଲେ । ତେବେ କେଉଁ କାରଣରୁ ନିଆଁ ଲାଗିଲା କାରଣ ସ୍ପଷ୍ଟ ହୋଇନଥିବା ବେଳେ ଏହି ଅଗ୍ନିକାଣ୍ଡଟି ଗ୍ୟାସ ଲିକ କାରଣରୁ ହୋଇଥାଇପାରେ ବୋଲି ସନ୍ଦେହ କରାଯାଉଛି ।
