ଭୁବନେଶ୍ୱର(ଏଟିଆର ବ୍ୟୁରୋ): ଆସୁଛି ହୋଲି ଏଥିପାଇଁ ପୁରା ଦେଶ ଉତ୍ସବ ମୁଖର । କିନ୍ତୁ ପ୍ରତି ବର୍ଷ ଭଳି ଏବର୍ଷ ମଧ୍ୟ ହୋଲିରେ ମଦୁଆ ମାନଙ୍କ ଉତ୍ପାତକୁ ଏଡାଇ ଦିଆଯାଇ ନପାରେ । କିନ୍ତୁ ଏଥର ହୋଲିରେ ମଦୁଆ ମାନଙ୍କୁ ସାବାଡ କରିବା ପାଇଁ କମିଶନରେଟ ପୋଲିସ ପକ୍ଷରୁ ସ୍ୱତନ୍ତ୍ର ଟିମ ଗଠନ କରାଯାଇଛି ।
ଆଡିସନାଲ ସିପି ଅନୁପ କୁମାର ସାହୁଙ୍କ ଦ୍ୱାରା ଗଠିତ ୫ଟି ସ୍ୱତନ୍ତ୍ର ପୋଲିସ ଟିମ ହୋଲିରେ ସହର ସାରା ପାଟ୍ରୋଲିଂ କରିବେ । ହୋଲିରେ ବିଶୃଙ୍ଖଳାକୁ ଏଡାଇବା ପାଇଁ ସବୁ ସମ୍ବେଦନଶୀଳ ସ୍ଥାନ ମାନଙ୍କରେ ଏହି ଟିମ ଗୁଡିକ ନଜର ରଖିବା ସହିତ ମଦୁଆ ଗାଡି ଚାଳକଙ୍କ ଉପରେ ମଧ୍ୟ କଡା ନଜର ରଖାଯିବ ।
ମଦ ପିଇ ମଦୁଆ ମାନେ କୌଣସି ସ୍ଥାନରେ ଗଣ୍ଡୋଗଳ କରିବା, ରାସ୍ତା କଡରେ ମଦ୍ୟ ପାନ କରିବା, ଏବଂ ଅନିଚ୍ଛା ସତ୍ତେ୍ୱ ରଙ୍ଗ ବୋଳିବା ଭଳି କାର୍ଯ୍ୟ ଯେପରି ନହେବ ସିପିଙ୍କର ସ୍ୱତନ୍ତ୍ର ଟିମ୍ ଏହି ସବୁ ଘଟଣା ଉପରେ ନଜର ରଖିବ ।
ସେହିଭଳି ହୋଲିରେ ଘଟୁଥିବା ନାନା ପ୍ରକାର ଅଘଟଣକୁ ଏଡାଇବା ପାଇଁ ରାଜ୍ୟ ପୋଲିସ ଓ ଅଗ୍ନିଶ୍ରମ ବିଭାଗ ମଧ୍ୟ ସଜାଗ ରହିଛି ।
