ଯୋଧପୁର(ଏଟିଆର ବ୍ୟୁରୋ): ଏକ ଟ୍ରକ ଓ ଜିପ ମୁହାମୁହିଁ ଧକ୍କା ହୋଇଛି । ଫଳରେ ୧୧ ଜଣଙ୍କ ମୃତ୍ୟୁ ଘଟିଛି । ଏଭଳି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି ଯୋଧପୁର ଜିଲ୍ଲା ବାଲେତରା-ଫୌଲେଦି ରାସ୍ତାରେ । ସୂଚନା ଅନୁସାରେ ଆଜି ସକାଳ ସମୟରେ ରାଜସ୍ଥାନ ଯୋଧପୁର ଜିଲ୍ଲାରେ ଏକ ଟ୍ରକ ଓ ଜିପ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଧକ୍କା ଏତେ ଜୋରରେ ଥିଲା ଯେ ଘଟଣା ସ୍ଥଳରେ ୧୧ ଜଣଙ୍କ ମୃତ୍ୟୁ ହୋଇଥିଲା । ଏହା ସହ ୩ ଜଣ ଆହତ ହୋଇଛନ୍ତି । ମୁହାମୁହିଁ ଧକ୍କା ହେବା ପରେ ଟ୍ରକଟି ଜିପ ଉପରେ ଚଢି ଯାଇଥିଲା ।
Rajasthan: 11 people killed, 3 injured in a collision between a trailer truck and a jeep on Balotra-Phalodi highway in Jodhpur district pic.twitter.com/QAyQTSVPcb
— ANI (@ANI) March 14, 2020
ଦୁର୍ଘଟଣାର ଖବର ପାଇ ପୋଲିସ ଓ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚିଥିଲା । କ୍ରେନ୍ ସହାୟତାରେ ଦୁଇଟି ଗାଡିକୁ ବାହର କରାଯଇଥିଲା । ଏହା ପରେ ଆହତ ମାନଙ୍କୁ ଉଦ୍ଧାର କରାଯାଇ ନିକଟ ସ୍ଥତ ମେଡିକାଲରେ ଭର୍ତ୍ତି କରାଯାଇଛି । ଆହତ ମାନେ ଗୁରୁତର ଥିବାର ଜଣା ପଡିଛି । ମୃତକଙ୍କ ମଧ୍ୟରେ ଚାରି ଜଣ ପୁରୁଷ, ଛଅ ଜଣ ମହିଳା ଓ ଜଣେ ଶିଶୁ ଥିବାର ଜଣାପଡିଛି । ତେବେ କେଉଁ କାରଣରୁ ଦୁର୍ଘଟଣା ଘଟିଲା ସେନେଇ ପୋଲିସ ତଦନ୍ତ ଆରମ୍ଭ କରିଛି ।
