ଭୁବନେଶ୍ୱର ( ଏଟିଆର ବ୍ୟୁରୋ): ଏବେ ଦେଶରେ ଲକ ଡାଉନ ଚାଲିଥିବାରୁ ଅଧିକାଂଶ ଲୋକ ଶୋସିଆଲ ମିଡିଆର ବିଭିନ୍ନ ସାଇଟରେ ସମୟ ବିତାଉଛନ୍ତି । ବିଶେଷ କରି ଟିକଟକ ପ୍ରେମରେ ଏବେ ଯୁବପୀଢି । ତେବେ ସେହି ଟିଟକ ଏବେ ନେଇଛି ଜଣେ ୧୬ ବର୍ଷ ନାବାଳକଙ୍କ ଜୀବନ । ଅଭିନୟ କରୁ କରୁ ସତରେ ଚାଲି ଯାଇଛି ଜୀବନ । ଏମିତି ଏକ ଅଭାବନୀୟ ଘଟଣା ଘଟିଛି ନୟାଗଡର ଡିଆରଡିଏ ରୋଡରେ ।
ସୂଚନା ଅନୁସାରେ ଏହି ରୋଡରେ ଥିବା ଏକ ଘରୋଇ ସ୍କୁଲ ପାଖରେ ରହୁଥିବା ପ୍ରେମାନନ୍ଦ ସାହୁ ନାମକ ଜଣେ ନାବାଳକ ଟିକଟକ ରିବା ବେଳେ ଅସାବଧାନତା ବସତଃ ବେକରେ ଲୁଗା ଗୁଡାଇ ହୋଇ ଯିବାରୁ ତାଙ୍କର ପ୍ରାଣହାନୀ ଘଟିିଛି । ପ୍ରତିଦିନ ଭଳି ଗତକାଲି ଏହି ଯୁବକ ନିଜର ଏକ ଟିକଟକ ଭିଡିଓ ନିଆରା ଢଙ୍ଗରେ ପ୍ରସ୍ତୁତ କରିବା ପାଇଁ ଫ୍ୟାନରେ ଲୁଗା ପକାଇ ରସି କରିବାର ଅଭିନୟ କରୁଥିଲେ ।
ମାତ୍ର ଭୁଲ ବସତଃ ଲୁଗାଟି ସତକୁ ସତ ଯୁବକ ଜଣଙ୍କ ବେକରେ ଛନ୍ଦି ହୋଇ ପଡିଥିଲା । ଫଳରେ ଯୁବକ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା । ମୃତ୍ୟୁର କିଛି ସମୟ ପରେ ଏନେଇ ପରିବାର ଲୋକ ଜାଣିବା ପରେ ଥାନାକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲା ।
