ନୂଆଦିଲ୍ଲୀ (ଏଟିଆର ବ୍ୟୁରୋ): ଲକ୍ ଡାଉନ୍ ଅବସରରେ ରିଲିଆନ୍ସ ଜିଓ ତାର ଗ୍ରାହକ ମାନଙ୍କ ପାଇଁ ଅନେକ ଶସ୍ତା ପ୍ଲାନ ଲଞ୍ଚ କରିଛି । କିନ୍ତୁ ଆଜି ଆମେ ଆପଣଙ୍କୁ ଏକ ଏଭଳି ପ୍ଲାନ ବିଷୟରେ କହିବୁ, ଯେଉଁଥିରେ ଆପଣଙ୍କୁ ଏକ ଜିବି ଡାଟା ପାଇଁ କେବଳ ୩.୫ ଟଙ୍କା ଖର୍ଚ୍ଚ କରିବାକୁ ପଡିବ । ଜିଓର ୫୯୯ ଟଙ୍କିଆ ପ୍ଲାନରେ ଗ୍ରାହକଙ୍କୁ ୮୪ ଦିନର ବୈଧତା ଏବଂ ପ୍ରତ୍ୟେକ ଦିନ ୨ ଜିବି ଡାଟା ମିଳିଥାଏ । ଏହାକୁ ମିଶାଇ ସର୍ବମୋଟ ଗ୍ରାହକଙ୍କୁ ୧୬୮ ଜିବି ଡାଟା ମିଳିଥାଏ । ୫୯୯ ଟଙ୍କାରେ ୧୬୮ ଜିବିର ଅର୍ଥ ଗ୍ରାହକଙ୍କୁ ଏକ ଜିବି ପାଇଁ ୩.୫୭ ଟଙ୍କା ଖର୍ଚ୍ଚ କରିବାକୁ ପଡୁଛି ।
ଏହି ପ୍ଲାନରେ ଜିଓ ରୁ ଜିଓ କୁ ଅସୀମିତ କଲିଂ ସେବା ଏବଂ ଅନ୍ୟ ନେଟୱର୍କକୁ କଲ କରିବା ପାଇଁ ୩ ହଜାର ମିନଟ୍ସ ମିଳିଥାଏ । ଏହାବ୍ୟତିତ ଜିଓ ଆପ୍ ର ସବସ୍କ୍ରିପସନ୍ ଏବଂ ୧୦୦ ଏସଏମଏସ ପ୍ରତିଦିନ ମିଳିଥାଏ ।
ଜିଓର ୩୪୯ ଟଙ୍କିଆ ପ୍ଲାନ୍ ରେ ଗ୍ରାହକଙ୍କୁ ପ୍ରତିଦିନ ୩ ଜିବି ଡାଟା ୨୮ ଦିନ ଯାଏଁ ମିଳିଥାଏ । ଏହାର ଅର୍ଥ ଏକ ଜିବି ଡାଟା ପାଇଁ ଆପଣଙ୍କୁ ୪.୧୫ ଟଙ୍କା ଖର୍ଚ୍ଚ କରିବାକୁ ପଡିଥାଏ ।
