ଭୁବନେଶ୍ୱର ( ଏଟିଆର ବ୍ୟୁରୋ): ଆଜି ପବିତ୍ର ବୁଦ୍ଧ ପୂର୍ଣ୍ଣିମାରେ କରୋନା ଯୋଦ୍ଧାଙ୍କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ ଆଜି ବୁଦ୍ଧ ପୂର୍ଣ୍ଣିମାରେ ବୁଦ୍ଧଙ୍କ ଜୟନ୍ତୀ ଅବସରରେ ହେଉଥିବା ସ୍ୱତନ୍ତ୍ର କାର୍ଯ୍ୟକ୍ରମରେ ଭିଡିଓ କନଫରେନ୍ସି ଜରିଆରେ ଯୋଗଦେବେ । ଅନ୍ତରାଷ୍ଟ୍ରୀୟ ବୌଦ୍ଧ ମହାସଂଘର ସହଯୋଗରେ ସଂସ୍କୃତି ମନ୍ତ୍ରଣାଳୟ ଆନୂକୂଲ୍ୟରେ ଏହି କାର୍ଯ୍ୟକ୍ରମ ହେବ । ଭିଡିଓ କନଫରେନ୍ସି ମାଧ୍ୟରେ ହେବାକୁ ଥିବା ଏହି ସସ୍ମୀଳନୀରେ ବିଶ୍ୱର ବିଭିନ୍ନ ବୁଦ୍ଧିଷ୍ଟ ସଂଘ ସାମିଲ ହୋଇ ସମୂହ ପ୍ରାର୍ଥନା କରିବେ ।
ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀଙ୍କ ସମେତ କେନ୍ଦ୍ର ସଂସ୍କୃତି ଓ ପର୍ଯ୍ୟଟନମନ୍ତ୍ରୀ ପ୍ରହ୍ଲାଦ ସିଂ ପଟେଲ , କେନ୍ଦ୍ର କୀଡା ଓ ଯୁବବ୍ୟାପର ମନ୍ତ୍ରୀ କିରନ ରିଜ୍ଜୁଜୁ ପ୍ରମୁଖ ଅଂଶଗ୍ରହଣ କରିବେ । ଏହାର ଲାଇଭ ଷ୍ଟ୍ରିମିଂ ଲୁମ୍ବୀନୀ ଗାର୍ଡେନ, ମହାବୋଧି ମନ୍ଦିର, ପରିନିବାସ ସ୍ତୁପ ଓ ଶ୍ରୀଲଙ୍କା ଓ ନେପାଳରେ କରାଯିବ । ଏହି ଅବସରରେ କରୋନା ଯୋଦ୍ଧାଙ୍କୁ ସମ୍ବୋଧିତ କରିବେ ମୋଦି ।
