ଭୁବନେଶ୍ୱର (ଏଟିଆର ବ୍ୟୁରୋ):ବାସ୍ତୁଶାସ୍ତ୍ରରେ ମନୁଷ୍ୟ ଜୀବନର ସମସ୍ତ ପ୍ରଶ୍ନର ଉତ୍ତର ଉଲ୍ଲେଖ କରାଯାଇଛି । ବାସ୍ତୁ ଅନୁଯାୟୀ ଜୀବନରେ କିଛି ଜିନିଷକୁ ନିଷେଧ କରିବା କିମ୍ବା ତାର ସ୍ଥାନ ପରିବର୍ତ୍ତନ କରିବା ନିହାତି ଜରୁରୀ ।କିଛି ଲୋକଙ୍କ ଅନୁସାରେ ସେମାନେ ଜେତେ ରୋଜଗାର କଲେ ମଧ୍ୟ ପର୍ସରେ ଟଙ୍କାଟିଏ ରହୁ ନାହିଁ । ଯଦି ଆମେ ଟଙ୍କା ବିଷୟରେ କଥା ହେବା ତାହାଲେ ପର୍ସରୁ କିଛି ଜିନିଷକୁ ବାହାର କରିଦେବାକୁ ପଡିବ । କାରଣ ଏହାଦ୍ୱାରା ଚତୁଃପାଶ୍ୱର୍ରେ ନକରାତ୍ମକ ଶକ୍ତି ଉତ୍ପନ ହେବା ସହିତ ଟଙ୍କା ମାମଲାରେ କ୍ଷତି ସହିବାକୁ ପଡିଥାଏ ।
ଯଦି ଆପଣଙ୍କ ପର୍ସରେ ଫଟା ନୋଟ କିମ୍ବା ଚିରା କାଗଜ ଅଛି । ତେବେ ତୁରନ୍ତ ପର୍ସରୁ କାଢି ଦିଅନ୍ତୁ । କାରଣ ଏହାଦ୍ୱାରା ଅନେକ ସମସ୍ୟା ଦେଖା ଦେଇଥାଏ । ଏବଂ ଅର୍ଥପ୍ରାପ୍ତି ହେବାରେ ସଙ୍କଟ ଦେଖାଯାଇଥାଏ । ଆପଣଙ୍କ ପର୍ସ ଯେତେ ସଫାସୁତରା ରହିବ ସେତେ ଧନ ପ୍ରାପ୍ତି ହେବ ।
କିନ୍ତୁ ଏଭଳି କିଛି ଜିନିଷ ଥାଏ ଯାହାକୁ ପର୍ସରେ ରଖିବା ଦ୍ୱାରା ଶୁଭ ଫଳ ପ୍ରାପ୍ତି ହେବା ସହ ଅର୍ଥପ୍ରାପ୍ତି ହୋଇଥାଏ । ଯଦି ଆପଣ ଆପଣଙ୍କ ପର୍ସରେ ଲକ୍ଷ୍ମୀ ମାତାଙ୍କର ଏକ କାଗଜ ଫଟୋ ରଖି ତାହାକୁ ସମୟ ଅନୁଯାୟୀ ବଦଳାଉଥିବେ । ତାହାଲେ ଆପଣଙ୍କ ପର୍ସ କେବେ ଖାଲି ହେବ ନାହିଁ । ନଚେତ୍ ଆପଣ ପର୍ସରେ ଏକ ଶ୍ରୀ ଯନ୍ତ୍ର ମଧ୍ୟ ରଖିପାରିବେ ।
