ଖୋର୍ଦ୍ଧା(ଏଟିଆର ବ୍ୟୁରୋ): ସଟ୍ ସର୍କିଟରୁ ଭୟାବହ ଅଗ୍ନିକାଣ୍ଡ । ନିଆଁ ଲାଗି ଯିବା କାରଣରୁ ଜଳି ପୋଡି ପାଉଁଶ ହୋଇ ଗଲା ୩ ବଖରା ଘର । ଏଭଳି ଏକ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବୋଲଗଡ ଥାନା ସାଗର ଗାଁ ପଞ୍ଚାୟତ ନୂଆସାହିରେ । ସୂଚନା ଅନୁସାରେ ଗାଁରେ ରହୁଥିବା ଦାଶରଥୀ ଦଳେଇଙ୍କ ଘରେ ସଟ୍ ସର୍କିଟ ଯୋଗୁ ନିଆଁ ଲାଗି ଯାଇଥିଲା । ଏହା ପରେ ଏହି ନିଆଁ ପାଖ ଘରକୁ ବ୍ୟପି ଯାଇଥିଲା ।
ଫଳରେ ୩ ବଖରା ଘର ଜଳି ପୋଡି ନଷ୍ଟ ହୋଇ ଯାଇଥିବା ବେଳେ ଲକ୍ଷାଧିକ ଟଙ୍କାର ସମ୍ପତି ପୋଡି ପାଉଁଶ ହୋଇ ଯାଇଛି । ଏହା ସହ ଦୁଇ ବଳଦ ଜୀବନ୍ତ ଦଗ୍ଧ ହୋଇଯାଇଛନ୍ତି । ଖବର ପାଇ ବୋଲଗଡ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି ।
