ନୂଆଦିଲ୍ଲୀ (ଏଟିଆର ବ୍ୟୁରୋ): ବିମାନ ଦୁର୍ଘଟଣାଗ୍ରସ୍ତ । ପାକିସ୍ତାନର ଲାହୋରରୁ କରାଚି ଅଭିମୁଖେ ବାହାରିଥିବା ପିଆଇଏ ର ଏକ ବିମାନ ଦୁର୍ଘଟଣାର ଶିକାର ହୋଇଛି । ବିମାନଟି ଅବତରଣ କରିବାର କିଛି ସମୟ ପୂର୍ବରୁ କରାଚି ବିମାନ ବନ୍ଦର ନିକଟବର୍ତ୍ତି ଆବାସିକ ଅଞ୍ଚଳରେ ଦୁର୍ଘଟଣାଗ୍ରସ୍ତ ଘଟିଛି । ଏହି ବିମାନରେ ଯାତ୍ରୀ ଓ କ୍ରିଉ ସଦସ୍ୟଙ୍କୁ ମିଶାଇ ସର୍ବମୋଟ୧୦୭ ଜଣ ଯାତ୍ରା କରୁଥିଲେ ।
ବିମାନଟି କରାଚି ବିମାନବନ୍ଦର ନିକଟବର୍ତ୍ତି ଜନବସତି ଉପରେ ଖସି ପଡି ଜଳି ଯାଇଛି । ବିମାନ ଦୁର୍ଘଟଣାଗ୍ରସ୍ତ ହେବା ପରେ ବିମାନରୁ ବଡ ଧରଣ କଳା ଧୂଆଁ ବାହାରି ଥିଲା । ଏହାସହିତ ଅନେକ ଘର ମଧ୍ୟ ଜଳି ଯାଇଥିବା ଅନୁମାନ କରାଯାଉଛି । ଏପର୍ଯ୍ୟନ୍ତ ୧୫ ରୁ ୨୦ ଲୋକଙ୍କୁ ଉଦ୍ଧାର କରାଯାଇଛି । ଅନେକ ଫସି ରହିଛନ୍ତି । ଉଦ୍ଧାର କରାଯାଇଥିବା ଯାତ୍ରୀଙ୍କୁ ଚିକିତ୍ସା ପାଇଁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି ।
ପାକିସ୍ତାନ ମିଡିଆ ରିପୋର୍ଟ ମୁତାବକ, ପାକିସ୍ତାନ ସେନାର ହେଲିକପ୍ଟର ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ପହଁଚି ସାରିଛି । ମାତ୍ର ଏହି ଦୁର୍ଘଟଣାରେ କେତେଜଣ ଆହତ ଏବଂ ମୃତ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
