ଭୁବନେଶ୍ୱର (ଏଟିଆର ବ୍ୟୁରୋ): ଆଜି ପବିତ୍ର ଶୀତଳ ଷଷ୍ଠୀ । ଏନେଇ ଚଳଚଞ୍ଚଳ ସାରା ରାଜ୍ୟ । ଏହି ଅବସରରେ ଶିବ- ପାର୍ବତୀଙ୍କ ବିବାହ ହୋଇଥାଏ । ସେଥିପାଇଁ ବିଭିନ୍ନ ସ୍ଥାନରେ ପ୍ରସ୍ତୁତି ଚାଲିଛି । ସେହିପରି ଲିଙ୍ଗରାଜ ମନ୍ଦିରରେ ବି ଶୀତଳ ଷଷ୍ଠୀ ଅନୁଷ୍ଠିତ ହେବ । ମାତ୍ର କରୋନାକୁ ଦୃଷ୍ଟିରେ ରଖି ସମସ୍ତ ନୀତି ସାମାଜିକ ଦୂରତାର ସହ ପାଳନ କରାଯିବ । ଗତକାଲି ମଙ୍ଗନ ହୋଇଥିଲା । ଆଜି ଶିବ-ପାର୍ବତୀଙ୍କର ବାହାଘର ।
ଶୀତଳ ଷଷ୍ଠୀ ନୀତି ଅନୁସାରେ ଆଜି ଶ୍ୱଶୁର ଘର କେଦାରଶ୍ୱର ମନ୍ଦିରକୁ ଯିବେ ଭଗବାନ ଲିଙ୍ଗରାଜ । ସେଠାରେ ତାଙ୍କର ମା ପାର୍ବତୀଙ୍କ ସହ ଶୁଭ ବିବାହ ଅନୁଷ୍ଠିତ ହେବ । ବିବାହ ପାଇଁ ଅଷ୍ଟଚଣ୍ଡୀଙ୍କୁ ନିମନ୍ତ୍ରଣ କରାଯାଇଛି ।
ଚଳିତ ବର୍ଷ କରୋନା ପାଇଁ ମନ୍ଦିରମାନଙ୍କରେ ଭକ୍ତ ଶୂନ୍ୟ । କିନ୍ତୁ ପରମ୍ପରା ଅନୁଯାୟୀ ଶିବ-ପାର୍ବତୀଙ୍କ ବିବାହ ଅନୁଷ୍ଠିତ ହେବ ।
