କୋରାପୁଟ(ଏଟିଆର ବ୍ୟୁରୋ): ମର୍ମନ୍ତୁଦ ସଡକ ଦୁର୍ଘଟଣାରେ ୪ ଜଣ ନାବାଳକଙ୍କ ମୃତ୍ୟୁ ହୋଇଛି । ଏଭଲି ଏକ ଅଭାବନୀୟ ଘଟଣା ଘଟିଛି କୋରାପୁଟଠାରୁ ପ୍ରାୟ ୭୦ କିଲୋମିଟର ଦୂର ପାଡ଼ୁଆ ପୂର୍ତ୍ତ ବିଭାଗ ଛକ ନିକଟରେ । ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ୪ ଜଣ ନାବାଳକ ଏକ ବାଇକରେ ପାଡୁଆ ଗାଁକୁ ଫେରୁଥିବା ବେଳେ ପୂର୍ତ୍ତ ଛକ ନିକଟରେ ଭାରସାମ୍ୟ ହରାଇ ରାସ୍ତା ତଳକୁ ଖସି ପଡିଥିଲେ ।
ଫଳରେ ଘଟଣା ସ୍ଥଳରେ ୪ ଜଣ ନାବାଳକଙ୍କ ମୃତ୍ୟୁ ହୋଇଥିଲା । ମୃତକ ମାନେ ହେଲେ ପାଡୁଆ ଗ୍ରାମର ପଙ୍କଜ ମହାନ୍ତି , ସୁଧାଂଶୁ ଖରା , ଶଶିକାନ୍ତ ଖିଲ ଓ କୃଷ୍ଣ ହନ୍ତାଳ । ଆଜି ସକାଳେ ଘଟଣା ସ୍ଥଳରେ ପାଡୁଆ ଗାଁ ପୋଲିସ ପହଞ୍ଚି ମୃତ ଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇ ପଠାଇଛି ।
