ପୁରୀ (ଏଟିଆର ବ୍ୟୁରୋ) ସମସ୍ତ ଲୀଳା ଖେଳା ସାରିବା ପରେ ଆଜି ଶ୍ରୀମନ୍ଦିରର ନୀଳକନ୍ଦରକୁ ଫେରିବେ ଶ୍ରୀଜିଉ । ଆଜି ଶ୍ରୀଜିଉଙ୍କ ଘୋଷଯାତ୍ରାର ଅନ୍ତିମ ପର୍ବ । ଶ୍ରୀବିଗ୍ରହ ଏବେ ନୀଳାଦ୍ରି ବିଜେ ଆପେକ୍ଷାରେ । ରତ୍ନ ସିଂହାସନରେ ବିଜେ କରିବେ ମହାପ୍ରଭୁ । ଆଜି ଅପରାହ୍ନ ୪ ଟାରୁ ଆରମ୍ଭ ହେବ ଶ୍ରୀଜିଉଙ୍କ ନୀଳାଦ୍ରି ବିଜେ ପହଣ୍ଡି । ରଥ ଉପରୁ ଶ୍ରୀମନ୍ଦିରକୁ ଗୋଟି ପହଣ୍ଡିରେ ବିଜେ କରିବେ ଶ୍ରୀଜିଉ ।
ଗତକାଲି ଶ୍ରୀଜିଉଙ୍କ ଅଧରପଣା ନୀତି ଅନୁଷ୍ଠିତ ହୋଇଥିଲା । ତିନି ରଥରେ ଅଧରପଣା ହାଣ୍ଡି ଭାଙ୍ଗା ଯାଇ ଅଧରପଣା ନୀତି ବଢିଥିଲା । ଚଳିତବର୍ଷ କରୋନା କଟକଣା ପାଇଁ ଶ୍ରୀଗୁଣ୍ଡିଚା, ବାହୁଡା, ସୁନାବେଶ ଓ ଅଧରପଣା ନୀତି ବିନା ଭକ୍ତରେ ଅନୁଷ୍ଠିତ ହୋଇଛି । ଭକ୍ତମାନେ କେବଳ ଟିଭି ମାଧ୍ୟମରେ ଶ୍ରୀଜିଉଙ୍କ ଦର୍ଶନ କରି ପାରିଛନ୍ତି ।
