ମୟୂରଭଂଜ (ରାଜ୍ ଗୁପ୍ତା ): ଜିଲ୍ଲା ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ଖାଡ଼ଖାଇ ନଦୀ କୂଳ ନିକଟରେ ପାତେ ପାଣିରେ ଟ୍ରାକ୍ଟର ଦୁର୍ଘଟଣାରେ ଡ୍ରାଇଭରଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ମହିଳା ଗୁରୁତର ଆହତ ହୋଇଛନ୍ତି । ଆଜି ସକାଳେ ଖଡ଼ଖାଇ ନଦୀ ରାଣୀପାଳ ବାଲିଘାଟକୁ ବାଲି ଆଣିବା ପାଇଁ ଟ୍ରାକ୍ଟର (ଓଡି୧୧ଇ୨୫୦୪) ରେ ରାଇରଙ୍ଗପୁର ମହୁଲଡିହାର ଚାମରାଇ ସୋରେନ(୩୦) ଯାଇଥିଲେ ।
ଟ୍ରାକ୍ଟରଟି ଭାରସାମ୍ୟ ହରାଇବାରୁ ଇଞ୍ଜିନଟି ଓଲଟି ପଡ଼ିବାରୁ ଡ୍ରାଇଭର ଚାପି ହୋଇଯାଇଥିଲେ । ଘଟଣାସ୍ଥଳରେ ଡ୍ରାଇଭର ଚାମରାଇଙ୍କ ମୃତ୍ୟୁ ଘଟି ଥିବା ବେଳେ ଦୁଇ ମହିଳା ଶ୍ରମିକ ପୁରୁଣାପାଣିର ଆଝ ମାଝୀ (୪୭) ଓ ପାତେପାଣିର ଲିଲି ବେଶ୍ରା (୩୦) ଗୁରୁତର ଆହତ ହୋଇ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ରାଇରଙ୍ଗପୁର ଟାଉନ ଥାନା ଆଇଆଇସି ରେଣୁବାଳା ସାହୁ ଦୁର୍ଘଟଣା ସ୍ଥଳକୁ ଯାଇ ଘଟଣାର ତଦନ୍ତ କରିଛନ୍ତି । ମୃତକଙ୍କ ଶବ ଉଦ୍ଧାର କରି ବ୍ୟବଛେଦ ପାଇଁ ରାଇରଙ୍ଗପୁର ଏସଡିଏଚକୁ ଅଣାଯାଇଛି ।
