ଭଞ୍ଜନଗର(ଭବାନୀ ପାଳ ) – ଭଞ୍ଜନଗର ସହରରେ ଦିନକୁ ଦିନ କରୋନା ସଂକ୍ରାମିତଙ୍କ ସଂଖ୍ୟା ଏବେ ପ୍ରଶାସନ ପାଇଁ ଚିନ୍ତା ବଢ଼ିଛି ।ଆଜି ପୁଣି ଭଞ୍ଜନଗରରେ ୨୭ ଜଣ ସଂକ୍ରମିତ ଚିହ୍ନଟ ହୋଇଥିବା ଗଞ୍ଜାମ ଜିଲ୍ଲାପାଳ ଟୁଇଟ କରି ସୂଚନା ଦେଇଛନ୍ତି । ଏଥି ମଧ୍ୟରୁ ୮ ଜଣ ଯୋଦ୍ଧା ସଂକ୍ରମିତ ହୋଇଛନ୍ତି ୭ ଜଣ ପୋଲିସ କର୍ମଚାରୀଙ୍କ ସହ ଜଣେ ସିଡିପିଓ ଅଫିସ ର କର୍ମଚାରୀ ରହିଛନ୍ତି ।
ଅନ୍ୟମାନଙ୍କ ମଧ୍ୟରେ ସ୍ଥାନୀୟ ସଂକ୍ରମଣଙ୍କ ସଂଖ୍ୟା ୧୯ ଜଣ ରହିଛନ୍ତି । ଭଞ୍ଜନଗର ଏନଏସି ଅଂଚଳର ପାତ୍ର କଲୋନୀରୁ ୭ ଜଣ, ନୀଳାଦ୍ରି ବିହାର, ତ୍ରିମୁର୍ତ୍ତି ସାହି, ଫରେଷ୍ଟ କଲୋନୀ ଓ ଭଞ୍ଜନଗରରୁ ଜଣେ ଲେଖାଏଁ ଚି଼ହ୍ନଟ ହୋଇଥିବା ଜଣାପଡିଛି । ସେହିପରି ବ୍ଲକ ଅଞ୍ଚଳ ର ବାଉଁସଲୁଣ୍ଡି ରୁ ୩ ଜଣ ପଜିଟିଭ ଚିହ୍ନଟ ହୋଇଥିବାବେଳେ କୁଲାଡ଼, ଦୋମୁହାଣି, ବିରିକୋଟ, ଲଣ୍ଡେଇ ସାହି, ଜିଲୁଣ୍ଡି ଗ୍ରାମରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି ।
